Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»

Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»
Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»
Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»
Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»
Александр Жирков: «Туймаада ыһыаҕар тимир уустарын түһүлгэтэ дьону-сэргэни түмүөҕэ»
Фото: iltumen.ru
Сахалар ааспыт үйэҕэ айылҕаттан айдарыылаах, үѳhэттэн этитиилээх «маһы, тимири ыллатар» уустардаахтара. Кэнники кэмҥэ тимири уһаарыы, таптайыы, тимиринэн үлэ уустук көрүҥнэрэ сайдан эрэллэр. Саха сирин тимир уустара Россия таһымыгар эрэ буолбакка, аан дойду араас муннугар ыытыллар тэрээһиннэргэ кэрэхсэбили ылаллар.   Саха Өрөспүүбүлүкэтин Ил Түмэнин Бэрэссэдээтэлэ Александр Жирков уустар үлэлэрин өйөөн, өрөспүүбүлүкэтээҕи Олоҥхо ыһыаҕар киллэрэн, бу саха омугун сүрүн дьарыктарыттан биирдэстэрэ тэнийэригэр бэйэтин кылаатын киллэрэр.    Быйылгы Туймаада ыһыаҕар өрөспүүбүлүкэтээҕи Тимир уустарын сойууһа эрдэттэн бэлэмнэнэн Үс Хатыҥҥа «Уус түһүлгэтигэр» үлэтин саҕалаата. Бэс ыйын 14 күнүгэр тимир уһаарар оһохторун туруоран, сарсыҥҥы күнүгэр күн киириитэ саха төрүт идэтин, дьарыгын сөргүтэр уонна кэлэр көлүөнэ ыччакка тириэрдэр сыаллаах Саха Өрөспүүбүлүкэтин Тимир уустарын сойууһун бэрэссэдээтэлин солбуйааччы, норуот маастара Роман Готовцев-Мындыр Уус салалтатынан былыргылыы тимири уһаарыы ньыматын көрдөрдүлэр. Бу ураты түгэҥҥэ Саха Өрөспүүбүлүкэтин Ил Түмэнин   Бэрэссэдээтэлэ Александр Жирков , уустар, эдэр ыччат кытыннылар.   Нам улууһун Таастаах нэһилиэгиттэн сылдьар Василий Герасимов уһаарыы оһоҕу Егор Романов, Александр Данилов оҥорбуттарын, тимир рудатын үрэхтэртэн хостуулларын, биир сүбэнэн 15 мүнүүтэ буола-буола балтараа киилэ тимир рудатын, онтон чоҕу кутан уһааралларын кэпсээтэ.     Хаҥалас улууһуттан тимир ууһа Александр Данилов тимири уһаарыыны 2008 сыллаахтан үөрэтэллэрин, 2016 сыллаахха Хаҥалас улууһун II Дьөппөнүгэр былыр тимири уһаарбыт оһох көстөн, салгыы археологтар үөрэтэннэр, хаһыы түмүгэр биэс оһох булуллубутун, хаһыс үйэҕэ туһаныллыбыттарын быһаарыахтаахтарын сырдатта.   Саха Өрөспүүбүлүкэтин Тимир уустарын сойууһун бэрэссэдээтэлин солбуйааччы, норуот маастара Роман Готовцев-Мындыр Уус 2015 сыллаахха тэриллибит түмсүү 14 улуустан 85 тимир ууһун түмэрин, быйылгы Туймаада ыһыаҕар тимири уһааран дьоҥҥо көрдөрүөхтээхтэрин эттэ. «Тимири уһаарбыппыт хас да сыл буолла. Онон бу дьыаланы син удумаҕалатан эрэбит эрээри, толору баһылаатыбыт диир кыахпыт суох. Тоҕо диэтэххэ, биһиги өбүгэлэрбит бу ньыманы хас эмэ үйэ тухары чочуйбуттара. Кэнники сылларга уустар Олоҥхо ыһыаҕын тэрийээччилэрин кытта ыкса сибээстээхтик үлэлиибит, кыстык тыаһынан тэрээһини анаан киэргэтэбит, сахалыы тыынныыбыт. Кытарбыт тимири таптайа турар уус саха киһитин өйүгэр-санаатыгар иҥэн хаалар, дьон  аны кини оҥоһугун көрүөн баҕарар, сэҥээрэр. Биһиги үлэбитигэр өйөбүл буолар Ил Түмэн Бэрэссэдээтэлэ Александр Жирковка махталбыт улахан», - диэн түмүктээтэ.   Уустар сыралаах үлэ түмүгүнэн сүүрбэ киилэ тимир рудалаах таастан уулларан биэс киилэ болгуо ылбыттара. Бу болгуону салгыы Чурапчы улууһугар олорор тимир ууһа Василий Попов – Бааха Ууска эллэтэ ыыппыттар, кини тахсыбыт тимиртэн быйылгы «Дыгын оонньууларын» үс бастакы кыайыылааҕар анаан саха быһаҕын бэлэмниэхтээх.   Бэс ыйын 23-24 күннэригэр ыытыллар Туймаада ыһыаҕар 29 №-дээх «Уус түһүлгэтигэр» өрөспүүбүлүкэ араас улуустарыттан 20 тимир ууһа «Бастыҥ батыйа», «Сытыы быһах» уонна «Тыаһыыр хомус» күрэххэ кыттыахтара.   Ил Түмэн пресс-сулууспата
 
По теме
Незаконная добыча диопсида велась на протяжении 6 лет в Алданском районе - Якутия.Инфо Текст: Прокуратура Якутии Фото: pro-mineral.ru YAKUTIA.INFO. Прокуратура республики направила в суд уголовное дело о незаконном предпринимательстве с извлечением дохода в размере более 52 миллионов рублей.
Якутия.Инфо
В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
Правительство Республики Саха (Якутия)
Дети из Якутии прибыли в Москву для личностного и профессионального самоопределения - Постоянное представительство РС(Я) при Президенте РФ 25 марта в гостях у Постоянного представительства Республики Саха (Якутия) при Президенте Российской Федерации побывала большая делегация детей из республики,
Постоянное представительство РС(Я) при Президенте РФ
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)