Томпо хаһыата ааҕааччылар быыбарга төһө бэлэмнээхтэрин биллэ

Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Томпо хаһыата ааҕааччылар быыбарга төһө бэлэмнээхтэрин биллэ
Фото: ulus.media
Балаҕан ыйын 9 күнүгэр республика олоҕор-дьаһаҕар улахан суолталаах быбар ыытыллыаҕа. Бу күн республика Ил Дарханын, Судаарыстыбаннай мунньах (Ил Түмэн) дьокутааттарын, «Томпо оройуона» оройуон Сэбиэтин дьокутааттарын талыахтара. Дьон быыбарга тѳһѳ бэлэмнээҕин билэр сыалтан ааҕааччылартан«Быыбар эн олоххор туох суолталааҕый» диэн ыйытык биэрдибит.

 

Мила Хоноехова, Дьокуускай куорат, ХИФУ математика институтун магистрана :

—  Мин саныахпар хас биирдии киһи, норуот олоҕор быыбар күнэ улахан суолаталаах. Бу күн биһиги инникибит быһаарыллар. Ол иһин туора кѳрѳн турбакка тус санаабытын этэн туран сѳптѳѳх кандидаппытыгар куоласпытын биэрэр эбээһинэстээхпит. Биһигини норуот быһыытынан сыаннаспытын кѳмүскүүр киһини талабыт. Мин биир даҕаны быыбары кѳтүтэ иликпин.

Саргылана Захарова, Хаандыга, юрист:

— Хас биирдии РФ гражданиныгар быыбар сүдү суолталааҕа саарбаҕа суох. Ол гынан баран билиҥҥи бириэмэҕэ элбэх коррупция баар буолан, туох барыта эрдэттэн быһаарыллар диэн былааска итэҕэйбэт түгэннэрэ баар. Ол иһин быыбарга сылдьар дьон ахсаана элбэҕэ суох. Мин чиэһинэй  быыбары талабын. Кандидаттар быыбар иннинээҕи эрэннэрии тылларын дьиҥ олоххо киллэрэллэрин баҕарабын.

Евгений Ефимов, Томпо оройуонун култууратын уонна духуобунаһын салалтатын салайааччытын эбээһинэһин толорооччу:

— Буолаары турар быыбар биһиги республикабыт, оройуоммут олоҕор, дьонугар-сэргэтигэр улахан суолталаах тэрээһин. Ол курдук хас биирдиибит куолаһыттан экономика, олох-дьаһах, социальнай эйгэ суола-ииһэ, кини инники сайдыыта бигэ тутулуктаах.  Мин санаабар быыбар биһиги олохпут инники саҕахтарын арыйар, эрэли, күүһү-уоҕу үөскэтэр-үксэтэр, кэрэни кэрэһэлиир биир сүрүн тэрээһининэн буолар.

Быыбар кыттыылаахтарыгар, тэрийээччилэригэр баҕарыам этэ үрдүк таһаарыылаах үлэни, быбардааччыларга өйү-санааны тумэн биир сомоҕо буолан, олохпут омсолоох көстүүтүн быhаарыаҕыҥ.

Мария Ючюгяева, Томпо оройуонун ыччакка уонна дьиэ кэргэн политикатыгар отдел салайааччыта:

— Быыбар инники хайысханы быһаарар. Олох араас эйгэтигэр инники тускул сайдыытыгар саҥа сүүрээни киллэрии буолар. Көлүөнэлэр солбуйсуулара ураты миэстэни ылар.

Сергей Фролкин, Алроса спорт киинин дириэктэрин спорт чааһыгар солбуйааччы, тренер:

— Сахабыт сирэ сайдарын туһугар бары биир сомоҕо буолан сѳптѳѳхтүк быыбардыахтаахпыт. Быыбар күнэ – биһиги норуоппутугар дириҥ суолталаах. Сахабыт сирэ чэчирии сайдарыгар күүстээх лидеры талыахха. Бука барыгытын быыбарга кѳхтѳѳхтүк кыттыахха диэн ыҥырабын.

Татьяна Ордахова, Мэҥэ Алдан орто оскуолатын дириэктэрин үлэ чааһыгар солбуйааччы:

— Быыбар биһиги олохпутугар суолтата араас, оҕо сырыттахпына быыбары дьоммут бырааһынньык курдук санаан олох эрдэ туран куоластыы барбыт буолаллара. Хайаатар да кэһиилээх кэлэллэрэ, ол иһин олус кэтэһэр буоларбыт. Билиҥҥи быыбар судаарыстыбаҕа дьиҥэ улахан тэрээһин буолуохтаах, олохпут дьаһахпыт тупсарыгар, хайа баҕар ѳттүнэн сайдарыгар эппиэтинэһи бу президеҥҥэ, дьокутаакка быыбардаммыт дьон ылыахтаахтар. Таах мээнэ дуоһунас эрэ ылан, үрдүк хамнастанан тойоргуу сылдьар дьону сѳбүлээбэппин.

Николай Колодезников, Дьокуускай, «DNS» маҕаһыын салайааччытын солбуйааччы:

— Мин олохпор эрэ буолбакка бука барыбытыгар быыбар улахан суолталаах. Сѳптѳѳх киһини таллахпытына биһиги инники олохпут дьылҕата быһаарыллар. Тус бэйэм талааннаах ыччаты ѳйүүр бырагыраамалары кэтэһэбин. Тас дойдуларга барбакка бэйэбит сирбитигэр олорон сайдар кэскиллээх буолуохтаахпыт. Онон үчүгэйдик толкуйдаан баран инникибитин сайыннарыан сѳптѳѳх киһини талыахха.

Марианна Андреева, Дьокуускай к., Бырабыыталыстыба бэрэссэдээтэлин солбуйааччытын э.т. секретариатын үрдүкү референэ:

— Быыбар диэн биһиги дойдубут, дьиэ-кэргэммит уонна оҕолорбут инникилэрин быһаарар эппиэтинэстээх күн. Кэлин дьон гражданскай позицияларыгар эппиэтинэстээхтик сыһыаннаһар буоллулар. Быыбар диэн патриотизм, дойдубут, республикабыт дьылҕатын быһаарыы. Биһиги республикабытыгар буолар саҥа сүүрээннэри, уларйыыларын куруук ѳйүүбүн. Быыбарга куоласпытын биэрэн биһиги бэйэбит уонна оҕолорбут инникитин быһаарабыт.

 

http://ulus.media/2018/08/17/tompo-ha-yiata-aa-aachchyilar-byiyibarga-t-belemneehterin-bille/

 
По теме
 После убийства мужчина выпил остатки водки и позвонил бывшей сожительнице, которой сообщил, что застрелил человека, но не уточнил кого именно, после чего лег спать.
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)