Сунтаар улууһун үөрэҕириитин мунньаҕар 300-тэн тахса киһи кытынна

IMG_5649
IMG_5663
IMG_5720
Фото: ysia.ru

Соторутааҕыта Г.Е. Бессонов аатынан Тойбохой орто оскуолатыгар Сунтаар улууһун үөрэҕириитин үлэһиттэрин олунньутааҕы сүбэ мунньаҕа буолан ааста. «Повышение профессионального роста педагога – основа качества роста» диэн тиэмэлээх мунньахха улуустааҕы үөрэх управлениетыттан, улуус оскуолаларыттан, оҕо саадтарыттан 300-тэн тахса киһи кэлэн кыттыыны ылла.

Оскуола дириэктэрдэрэ, дириэктэри солбуйааччылар, математика, физика, омук тылын учууталлара, оҕо саадын сэбиэдиссэйдэрэ, методистара уонна педагогтара сиэксийэлэринэн арахсан, тус-туһунан кабинеттарынан мунньахтаатылар. Уопсайа аҕыс сиэксийэнэн үөрэх систиэмэтэ сайдыытын сүрүн салааларын, педагог идэтин таһымын үрдэтии, үөрэх хаачыстыбатын ситиһэр туһуттан идэҕэ айымньылаахтык сыһыаннаһыы туһунан кэпсэттилэр. Хас сиэксийэ аайы үөрэх управлениетыттан туһааннаах исписэлиис кыттыыны ылла.

Бу тэрээһин пленарнай мунньаҕын президиумугар улуус баһылыга Анатолий Григорьев , улуус баһылыгын социальнай уонна имиджевэй бэлиитикэҕэ солбуйааччы Ульяна Попова , улуустааҕы үөрэх управлениетын начаалынньыга Гаврил Еремеев , үөрэҕирии үлэһиттэрин профсойууһун бэрэссэдээтэлэ Валерий Егоров ыҥырылыннылар.

Анатолий Васильевич оҕолорбут өрөспүүбүлүкэҕэ, Арассыыйаҕа, Аан дойдуга ситиһиилэрин иһин махтанан туран, үөрэх эйгэтин үлэһиттэрин олунньутааҕы сүбэ мунньахтарынан эҕэрдэлээтэ. Сунтаар улууһун оҕо саадтарын ситиһиилэрин ордук бэлиэтээн ааста. Ол курдук, өрөспүүбүлүкэтээҕи «Алыптаах дорҕоон» күрэххэ «Солнышко» оҕо саадын иитиллээччилэрэ I, «Туллукчаан» иитиллээччилэрэ III миэстэни, «Кыталык» оҕо саадын иитиллээччилэрэ өрөспүүбүлүкэҕэ робототехника күрэҕэр I миэстэни, саахымакка эмиэ I миэстэни ылбыттара.

Гаврил Михайлович олунньутааҕы сүбэ мунньах сүрүн дакылаатыгар үөрэх эйгэтигэр быйылгы сыл Аҕа дойду Улуу сэриитин кыттыылааҕа, РСФСР уонна Саха АССР үтүөлээх учуутала, ССРС норуодунай учуутала Михаил Андреевич Алексеевка анаммытын туһунан иһитиннэрдэ. Пленарнай мунньахха Сунтаардааҕы политехническай лиссиэй дириэктэрэ Олег Сосин , Күндэйэ нэһилиэгин «Күнчээн» оҕону сайыннарар киин сэбиэдиссэйэ Айталина Контогорова уо.д.а. бэйэлэрин дакылааттарын аахтылар.

Сунтаар улууһун үөрэҕириитин үлэһиттэрин олунньутааҕы сүбэ мунньаҕын түмүгүнэн бу курдук этиилэр киирдилэр. Улууска биллэриллибит Тыа сирин үлэһиттэрин сылын чэрчитинэн, үөрэх эйгэтин бастыҥ үлэһиттэригэр грант олохтооһун, эбии үөрэхтээһиҥҥэ бастыҥ бырагыраамалар бааннарын оҥоруу, үчүгэй үлэлээх педагогтар уопуттарын тарҕатыы, оҕону иитиигэ саҥа ньымалары киллэрии, оҕо саадтарын педагогтарын, алын, орто сүһүөх кылаастар учууталларын үлэлэрин биир ситимҥэ киллэрии, уруоктар, маастар-кылаастар хомуурунньуктарыгар сайт оҥоруу, киирбит этиилэри үөрэх управлениетын 2017-2018 сс. былааныгар киллэрии уо.д.а. Саамай элбэх этии математика учууталларын сиэксийэтигэр киирбит.

Бу күн үөрэх эйгэтигэр өр сылларга таһаарыылаахтык үлэлээбит ытык дьоммут наҕараадалары туттулар. Итиэннэ РФ үөрэҕириитин бочуоттаах үлэһитэ, СӨ үөрэҕириитин туйгуна, бочуоттаах бэтэрээнэ, Сунтаар улууһун үөрэх управлениетыгар өр сылларга үтүө суобастаахтык үлэлээн кэлбит Д.М. Анисимовы бочуоттаах сынньалаҥҥа атаарыы тэрээһинэ буолла. Дмитрий Михайлович Сиэйэ орто оскуолатыгар үлэтин саҕалаан баран, Түбэй, Кэмпэндээйи оскуолаларыгар физика уонна математика учууталынан, дириэктэри солбуйааччынан, дириэктэринэн, онтон үөрэх управлениетыгар үлэлээбитэ.

 
По теме
О прекращении движения транспорта по улице Набережная в Якутске В связи с осуществлением реконструкции улицы Набережная – 1 этап и в целях обеспечения безопасности дорожного движения будет прекращено движение транспор
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)
В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
Правительство Республики Саха (Якутия)