Саха сирин тутааччылара уонна тимир уустара сөбүлэҥҥэ илии баттастылар

Саха сирин тутааччылара уонна тимир уустара  сөбүлэҥҥэ илии баттастылар
Саха сирин тутааччылара уонна тимир уустара  сөбүлэҥҥэ илии баттастылар
Саха сирин тутааччылара уонна тимир уустара  сөбүлэҥҥэ илии баттастылар
Фото: sakhalife.ru

Бу дьыл кулун тутар 14 күнүгэр Саха сирин тутааччыларын түмсүүтүн дириэктэрэ Айхал ГАБЫШЕВ уонна Саха сирин тимир уустарын сойууһун салайааччытын солбуйааччыта Роман ГОТОВЦЕВ бииргэ сомоҕолоһон үлэлиир туһунан сөбүлэҥ түһэрдилэр.

Былыр былыргыттан саха омугун сүрүн дьарыктарыттан биирдэстэрэ тимир ууһа буолар. Биһиги сахалар төрүт үгэспитинэн уус дьоммут — маһы, тимири ыллаппаппыт эрэ.

21 үйэҕэ саха тимир уустара аар саарга билиннилэр.  Арассыыйа таһымыгар эрэ буолбакка аан дойду араас муннугар ыытыллар күрэхтэргэ, тэрээһиннэргэ кэрэхсэбили ылаллар.

“Тимир уустар түмсүүлэрэ 2015 сыллаахха тэриллэн күн бүгүнүгэр 85 тимир ууһу түмэр. Бу сүдү талааннаах, айылҕаттан айдарыылаах дьон саха төрүт идэтин, дьарыгын тимир ууһу сөргүтэр уонна кэлэр көлүөнэ ыччакка тириэрдэр сыаллаах түмсүбүттэрэ. Саха духуобунаһа өссө күүскэ сайдарыгар, өрөспүүбүлүкэбитигэр сахалыы тыыннаах, кэрэ көстүүлээх тутуулар элбииллэрин туһугар тутааччылар түмсүүлэрин кытта сомоҕолостубут.

Чулуу уустар үрдүк ааттарын үйэтитэр сыалтан, кулун тутар 5 күнүн- Норуот Маастарын күнүнэн биллэрбиппит. Үтүө үгэһинэн бу күн Ил Дархан Егор Афанасьевич Борисов олохтообут «Норуот Маастара» үрдүк наҕараадатын чулууттан чулуу, чаҕылхайтан чаҕылхай уустар ылаллар.   Бу бэлиэҕэ быыстапкаларга көхтөөхтүк кыттар, элбэх сыаналаммат үлэни оҥорбут, идэтигэр бэйэтин үтүө суобастаахтык анаабыт, өрөспүүбүлүкэ олоҕор көхтөөхтүк кыттар уустар тиксэллэр.

Тутуу түмсүүтэ биһигини өйөөн, этиибитин истэн, тэҥҥэ үлэлэһэргэ сөбүлэҥҥэ  илии баттаабытыгар махталбытын тиэрдэбит. Бииргэ сомоҕолоһон сахабыт төрүт дьарыга УУС симэлийбэтин туһугар биир санаанан үлэлиэхпит»,- Роман ГОТОВЦЕВ, Саха сирин тимир уустарын түмсүүтүн салайааччытын солбуйааччыта.

“Сахабыт сирэ уустарынан уонна тутааччыларынан киэн туттар. Бүгүн икки улахан түмсүү сомоҕолоһон, кэскиллээх бырайыактар олоххо киирэллэригэр сөбүлэҥҥэ илии баттаһан улахан суолга хардыылаан эрэбит. Өйөнсөн-өйдөһөн, биир санаанан салайтаран өрөспүүбүлүкэбит араас муннуктарыгар сахалыы тыыннаах, солун бырайыактары олоххо киллэриэхпит диэн санаалаахпыт.

Ил Дархан Егор Афанасьевич Борисов 2018 сылы- Дьарыктаах буолуу сылынан биллэрбитэ. Онон сиэттэрэн  саха ыччатын тимир ууска угуйуу олус сөптөөх суол буолуо этэ дии саныыбыт. Уустар уонна тутааччылар айылҕаларын быһыытынан идэлэрэ бэйэ-бэйэлэригэр маарыннаһар. Иккиэн төрүөттэринэн айар-тутар дьоҕур буолар, ол иһин  биһиги бииргэ сомоҕолоһон үлэлиирбит саамай сөптөөх хардыы дии саныыбын”,- Айхал ГАБЫШЕВ, Саха сирин тутааччыларын түмсүүтүн дириэктэрэ.

 

Источник: Пресс-служба Ассоциации СРО «Союз строителей Якутии».
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)