Геннадий Охлопков: «2017 сыл оҕо общественнай хамсааһынын историятыгар ураты суолталаах буолла»

Ааһан иһэр 2017 сыл – СӨ биллэриллибит ыччат сылын киин событиетынан республикаҕа оҕо общественнай хамсааһына төрүттэммитэ 25 сыллаах үбүлүөйүгэр анаммыт тэрээһиннэри ааттыахха сөп. Бэ бэлиэ датаҕа анаммыт түмүк дьаһаллар бу дьыл ахсынньы 1 күнүттэн 17-гэр диэри киэҥ далааһыннаахтык ыытылыннылар.

Саха ϴрөспүүбүлүкэтигэр оҕо общественнай хамсааһына олохтоммута 25 сыллаах үбүлүөйүн бэлэтиир туһунан өссө 2016 сыллаахха республика Ил Дархана дьаһал таһаарбыта. Манна олоҕуран 2017 сыл саҥатыгар тэрийэр кэмитиэт олохтоммута, былаан бигэргэтиллибитэ, үлэ хайысхата чопчуламмыта.

Күн бүгүн Ил Дархан өйөбүлүнэн үлэлиир «Дьулуур» биир сомоҕо хамсааһа 759 оҕо общественнай холбоһугун бииргэ түмэр. Онуоха 78 тыһыынча 476 үөрэнээччи көхтөөхтүк кыттар, ол эбэтэр 8-18 саастаах көлүөнэ 58,6% буолар. Саха сирин 16 улууһугар бөдөҥ общественнай холбоһуктар үлэлииллэр. Холобур, Мэҥэ-Хаҥаласка – «Мэҥэ кэскилэ», Чурапчыга – «Чурапчы кэскилэ», Аммаҕа – «Амма кэскилэ», Тааттаҕа – «Үрдэл», Ньурбаҕа – «Ньурба эрэлэ», Үөһэ Бүлүүгэ – «Сомоҕо», Нерюнгрига – «Содружество», Эбээн-Бытантайга – «Уямкан», Дьокуускай куоракка баар «Юный горожанин» түмсүү 17 тыһыынча 589 оҕону хабар.

Ол курдук ахсынньы 1-7 күннэригэр «Сосновый бор» оҕону сынньатар уонна дэбдигирдэр кииҥҥэ оҕо общественнай түмсүүлэрин кыттыылаахтарыгар анал смена тэрилиннэ. 22 улуустан уопсайа 174 оҕо кыттыыны ылла. Манна үөрэх программата сүрүннээх үс хайысханан ыытылынна: волентердар (тимуровскай) хамаандалара, быраабы көмүскүүр оҕо тэрилтэлэрэ уонна чөл олоҕу пропагандалыыр этэрээттэр. Ыйыллыбыт хайысхаларынан дискуссиялары, лекциялары, маастар-кылаастары ыҥырыылаах ыалдьыттар тэрийдилэр. Маны таһынан Ил Дархан өйөбүлүнэн үлэлиир «Дьулуур» биир сомоҕо хамсааһынын үлэһиттэрэ лиидэр быһыытынан ситии-хотуу, хамаанданы сайыннарыы, социальнай бырайыактары сүрүннээһин боппуруостарына анал дьарыктары ыыттылар.

Ахсынньы 5 күнүгэр Дьокуускайга Оҕо айымньытын дыбарыаһыгар  Сϴ оҕо общественнай хамсааһынын күнүн бэлиэтээтилэр. Үбүлүөйдээх сыл тэрээһинигэр СӨ Ил Дарханын сүбэһитэ, Оҕо тэрилтэтин хамсааһынын сайыннарар сэбиэт бэрэссэдээтэлин солбуйааччы  Туйаара Едисеева, СӨ ыччат уонна дьиэ кэргэн бэлиитикэтин миниистирин солбуйааччы  Савва Михайлов, СӨ үөрэҕин уонна наукатын миниистирин солбуйааччы  Эдуард Кондратьев ыалдьыттаатылар, эҕэрдэ тылларын эттилэр, наҕараадалары туттардылар. Улахан тэрээһиҥҥэ Саха сирин араас муннуктарыттан   500-чэкэ лидер кэлбит, улахан дьон: салайааччылар, бэтэрээннэр кыттыыны ыллылар. Тэрээһин саҕаланыыта үүнэр көлүөнэҕэ Бүтүн сойуустааҕы пионердар этэрээттэрин билиһиннэрэр инниттэн, пионердар үҥкүүлэрин көрдөрдүлэр. Хас биирдии улуус общественнай тэрилтэтэ бэйэтин эҕэрдэ нүөмэрин бэлэхтээтэ, үлэтин-хамнаһын быыстапкалаата. Эҕэрдэ нүөмэрдэр, согнун санаалар этилиннилэр, үбүлүөйдээх сыл лауреаттара аатаннылар.

Салгыы, оҕо общественнай хамсааһынын күннэрэ дойду тэбэр сүрэҕэр – Москваҕа ыытылыннылар. Ахсынньы 14, 15, 17 күннэригэр  «Дьулуур» оҕо биир сомоҕо хамсааһына үлэтин-ситиһиитин, өр сыллаах үтүө уопутун уонна оҕо общественнай хамсааһына республикаҕа айымньылаахтык сайдарыгар олук буолбут общественно-государственнай көрүҥнээх государственнай политика таһымыгар ситиһиилээхтик үлэлии турар моделын киэҥник билиһиннэрдэ. Ол курдук Российскай Федерация общественнай палататыгар «төгүрүк остуолу» үрдүк таһымнаахтык тэрийдэ, онтон «СПО-ФДО» диэн норуттар икии ардыларынааҕы оҕолор общественнай тэрилтэлэрин холбоһугар сүрдээх интэриэһинэй презентация ыытта.

Общественнай палата ыччат дьыалатыгар, добровольчество сайдыытыгар уонна патриотическай иитиигэ тус кэмитиэтин салайааччытан Елена Цунаева республикаҕа оҕо общественнай хамсааһына сайдарыгар федеральнай сокуон бары кыаҕын туһанан государствоттан көрүллүөхтэрин сөптөөх бары миэрэлэр, механизмнар олохтоммуттар диэн бэлиэтээтэ. Маныаха бу дьаһаллар республика аҕа баһылыга Егор Борисов быһа кыттыытынан тэриллибиттэрэ ураты суолталаах диэн эттэ уонна бу үтүө холобуру бары регионнарга тэнитиэххэ, күүскэ көрдөрүөххэ-кэпсиэххэ диэн санаатын эттэ. Онтон кэпсэтии кыттыылаахтара общественнай палата оҕо общзесвтеннай хамсааһына сайдарыгар болҕомто уурарын сөптөөҕүнэн аахтылар уонна дойду Президенэ Владимир Путин биллэрбит Оҕо-аймах уон сылын чэрчитинэн маннык кэпсэтиилэр тиһигин быспакка ыытыллыахтаахтарын эттилэр.

 

Сϴ Ил Дарханын өйөбүлүнэн үлэлиир «Дьулуур» оҕо биир сомоҕо хамсааһынын бэрэссэдээтэлэ, «Россия үөрэнээччилэрин хамсааһынын» Саха сиринээҕи салаатын салайааччыта Геннадий ОХЛОПКОВ сылы түмүктээри олорон санаатын үллэстэр.

  • Саха ϴрөспүүбүлүкэтигэр оҕо общественнай хамсааһын баар буолбута 25 сыллаах үбүлүөйэ биһиэхэ, үөрэхтээһин уонна ыччат политикатын үлэһиттэригэр, ураты суолталаах. Ханнык баҕарар бэлиэ датаны бырааһынньык эрэ курдук ылынар татым өйдөбүл дии саныыбын. Мин санаабар, өр кэмнээх тиһиктээх үлэ түмүгүн таһаарар уонна саҥа саҕахтары арыйар кэрдиис кэм быһыытынан сыаналаныахтаах. Ити бастакытынан. Иккиһинэн, үлэ уопутугар олоҕуран, аны туран, билиҥҥи кэмҥэ көдьүүстээхтик үлэлии турар бырайыактарга болҕомто ууран, ону көрдөрөн-кэпсээн, бу эйгэҕэ үөскээбит эбэтэр үөскүүр кыһалҕаларга сыһыаммытын, ону хайдах быһаарыахтаахпытын кэпсиэхтээхпит, саҥа суоллары тобулуохтаахпыт. Холобур, 2017 үбүлүөйдээх сылга республикабыт салалтата өйөөн «Республикаҕа оҕо общественнай хамсааһынын сайыннарыы киинэ» диэн бюджет тэрилтэтэ баар буолла. Бу улахан ситиһии! Бу иннигэр маннык суоҕа. Эбэтэр, быйыл правительство рабочай бөлөҕө «Саха ϴрөспүүбүлүкэтигэр оҕо общественнай хамсааһынын сайыннарыы туһунан» диэн сокуон барылын бэлэмнээтэ. Сотору кэминэн Ил Тумэн ааҕыытыгар киириэ. Маны таһынан үлэ тиһигин сайыннарар, иитии-үөрэтии эйгэтигэр үлэлиир дьоҥҥо өйөлүл буолар сыаллаах икки идиэйэбит олоххо ыпсар соргута быһаарылынна. Биирэ – Саха ϴрөспүүбүлүкэтигэр иитии үлэтин программата баар буолуохтаах диэн туруорсуубут этэ. Бу этиини Сϴ үөрэҕин уонна наукатын министиэристибэтэ биһирээн үлэни тэрийэргэ сорудах биэрдэ. Маныаха урукку сылларга көдьүүстээхтик үлэлээбит «Эркээйи» программаны үктэл оҥостон 20-чэкэ киһилээх ааптарскай бөлөх тэрийэн номнуо үлэни саҕалаатыбыт. Иккиһэ – Н.И. Протопопова аатынан оҕо общественнай тэрилтэлэрин бастыҥ салайааччыларыгар Ил Дархан бириэмийэтин олохтооһун диэн. Төһө да уустук финансовай-экономическэй балаһыанньа буоллар правительствобыт бу толкуйу оруннааҕынан ааҕан миэрэни олохтуурга диэн этии киллэрэн турар. Үлэ салҕанар...».
  •  

    Лауреат үрдүк аатын ылбыт  « ДИМСИ » Бүтүн Россиятааҕы общественнай тэрилтэ Саха сиринээҕи салаатын дидерэ, Дьокуускай куорат 7 нүөмэрдээх орто оскуолатын 11 кылааһын үөрэнээччитэ Андрей ИВАНОВ.

  • Оҕо общественнай хамсааһыныгар алта-сэттэ сыл анараа өттүгэр киирбитим. Маҥнай бэйэбит кыра сүһүөх «ДИМСИ» холбоһукпутуттан саҕалаабытым, онтон өрөспүүбүлүкэ таһымыгар кыттар буолбутум. 2013 сыллаахха «Дьулуур» оҕо биир сомоҕо хамсааһына тэриллибитэ. Көхтөөх киһи оҕолору түмэр, кинилэргэ уонна салайааччыга араас тэрээһиннэри, куонкурустары ыытарга көмөлөһөр эбээһинэстээх. Үөрэхпэр бириэмэ тиийэр. Тоҕо диэтэххэ, көхтөөх киһи бары өттүнэн сайдыылаах. Мин общественник буоллахпына үөрэхпэр бириэмэ тиийиэ суоҕа диэн толкуй сыыһа дии саныыбын. Үлэни, туруоруллар соруктары  лидер тус бэйэтин кыаҕынан уонна хамаандатын кытта ситиһиэхтээх, дьоҥҥо-сэргэҕэ көмөлөһүөхтээх. Эһиил оскуоланы бүтэрээри сылдьабын. Хотугулуу-Илиҥҥи федеральнай университет юридическай бакылтыатыгар туттарсар санаалаахпын.
  •  

    БЫЙЫЛГЫ ҮБҮЛҮӨЙДЭЭХ СЫЛ ЛАУРЕАТТАРА :

    1. Софья КОПЫЛОВА , «Пятая высота» оҕо общественнай тэрилтэтин көхтөөх кыттааччыта, Дьокуускай куорат 5-с №-дээх оскуолатын 11-с кылааһын үөрэнээччитэ.
    2. Эльмира АЛЛЕРОЕВА , «Орбита» оҕо общественнай тэрилтэтин лидерэ, Жатайдааҕы 2-с №-дээх оскуола 11-с кылааһын үөрэнээччитэ.
    3. Андрей ИВАНОВ , «ДИМСИ» (Оҕо уонна ыччат социальнай көҕүлээһинэ) оҕо общественнай тэрилтэтин лидерэ, Дьокуускай куорат 7-с №-дээх оскуолатын 11-с кылааһын үөрэнээччитэ.
    4. Маргарита РАХМАТУЛЛИНА , «Хадаар кэскилэ» оҕо общественнай тэрилтэ лидэрэ, Чурапчы улууһун Хадаар оскуолатын 10-с кылааһын үөрэнээччитэ.
    5. « ЫЛДЬАА ЫЧЧАТТАРА »   оҕо общественнай тэрилтэ, Нам улууһун Хатыҥ Арыы орто оскуолата.
    6. « ҮРДЭЛ »   оҕо общественнацй холбоһуга, Тааттатааҕы «Сатабыл» оҕо айымньытын дьиэтэ» эбии үөрэхтээһин тэрилтэтэ.
    7. « СОДРУЖЕСТВО »   оҕо общественнай холбоһугун сойууһа, Нерюнгритээҕи «Оҕолор айар сайдыыларын киинэ» эбии үөрэхтээһин тэрилтэтэ.
    8. Валентина ИВАНОВА , «Здравствуйте» оҕолор педагогическай этээрээттэрин салайааччыта, Дьокуускай куораттааҕы «Оҕо (подростковай) киинэ» эбии үөрэхтээһин тэрилтэтэ.
    9. Айна ПОПОВА , «Окрыленные мечтой» оҕо общественнай тэрилтэтин салайааччыта, Мэҥэ-Хаҥалас улууһун Аллараа Бэстээх орто оскуолатын дириэктэрин иитэр үлэҕэ солбуйааччыта.
    10. Татьяна ИЛЬИНА , СӨ пионердарын уонна оҕо общественнай хамсааһынын бэтэрээнэ, СӨ Ил Дарханыгар Оҕо общенственнай хамсааһынын сайыннарар сэбиэтин чилиэнэ, СӨ үөрэҕин үтүөлээх үлэһитэ.

     

    ИСТОРИЧЕСКАЙ СПРАВКА

    Саха сирин оҕо общественнай холбоһуктарын сойууһа 1992 сыллаахха ахсынньы 5 күнүгэр пионерскай хамсааһын кэнниттэн тэриллибитэ. Татьяна Ильина, Нина Протопопова, Нина Барашкова, Александр Васильев, Маргарита Петрова, Варвара Хингеева, Людмила Мыреева курдук оҕо аймах туһугар ис дууһаларыттан кыһаллан үлэлиир педагогтар, баһаатайдар бииргэ түмсэн ураты историческай суолталаах докумуоннары бэлэмнээбиттэрэ. Үүнэр көлүөнэни төрөөбүт төрүт култууратыгар сыһыаран сайыннарар аналлаах «Эркээйи» программа, «Оҕо быраабын туһунан» Саха Республикатын сокуона, «Оҕо уонна ыччат общественнай холбоһуктарын государстваттан өйүүр туһунан» Правительство уурааҕа уонна республика үөрэҕин кыһаларыгар оҕо общественнай холбоһуктарын сайыннарар сыаллаах-соруктаах Концепция суруллан бигэргэтиллибиттэрэ. Онон сойуус оҕо общественнай хамсааһынын инники кэскилин түстээбитэ. 

    Сойуус лидердэрэ араас хабааннаах айар куонкурустары, оонньуулары күргүөмнээхтик тэрийэр буолбуттара. Ол курдук, «Министр», «Президент», «Политолог», «Бизнесмен» уо.д.а атын оонньуулар лааҕырдарга уонна оскуолалар истэринэн тиһигин быспакка ыытыллар буолбуттара. Оҕолор хас да бөлөххө арахсан, сонун, интэриэһинэй бырайыак толкуйдууллара уонна дьүүллүүр сүбэ иннигэр көмүскүүллэрэ. Бастыҥтан бастыҥ үлэлэр кэлин олоххо киирэр кыахтаммыттара. Билигин бу үөрүйэҕи сөбүлээн туһаналлар. «МИНИСТР» диэн дьыалабыай оонньуу инникитин республиканы салайар дьулуурдаах лидердэри талан, сүүмэрдээн ылар.

    2013 сыллаахха «Дьулуур» диэн оҕо биир сомоҕо хамсааһына тэриллэн саҥа кэрдиис кэми кэрэһилээбитэ. Үөрэнээччилэр сырдык санааларын Саха Республикатын Ил Дархана Егор Борисов толору өйөөбүтэ. Сайдыы суолун түстээбитэ.  Бу дьоһун хамсааһын урукку октябренок, пионер, хомсомуол саҕаттан мунньуллубут үтүө үгэстэри сыһыары тутан, саҥалыы тыыннаан илдьэ сылдьар. Үлэ ордук көдьүүстээх буоллун диэн, программата хас да түһүмэххэ арахсар: «Следопыты» (8-10 саастаах оҕолор), «Искатели» (11-14 саастаахтар), «Новаторы» (14-17 саастаахтар). Бары ураты бэлиэлээхтэр: значоктаахтар, хаалтыстаахтар, футболкалаахтар. «Дьулуур» бэйэтэ туһунан былаахтаах, эмблемэлээх, девизтээх, программалаах уонна Дьулус диэн доҕор ымыылаах. Онтон бастыҥтан бастыҥ көрдөрүүлээхтэр анал бэлиэнэн наҕараадаланаллар.

     

     

    Людмила ПОПОВА, Саргылана САВВАТЕЕВА,

    Геннадий ОХЛОПКОВ, « Саха сирэ » хаһыат, edersaas.ru

     

     
    По теме
    Вступило в законную силу решение Арбитражного суда Республики Саха (Якутия) от 19.02.2024 по делу №А58-2863/2022 о сносе объекта самовольной постройки.
      В ходе приема с участием главы ГО «город Якутск» Григорьева Е.Н. приняты обращения граждан по вопросам реализации социальных и иных прав.
    Указом Главы Республики Саха (Якутия) от 19 июня 2014 г. № 2729 «Об объявлении второго Десятилетия Олонхо в Республике Саха (Якутия)»,
    Прокуратура Республики Саха (Якутия) утвердила обвинительное заключение по уголовному делу в отношении руководителя коммерческой организации.
    Указ от 22 марта 2024 года За заслуги в области культуры и искусства, здравоохранения, сельского хозяйства, образования, законности и правопорядка, жилищно-коммунального хозяйства, транспорта, связи,
    Незаконная добыча диопсида велась на протяжении 6 лет в Алданском районе - Якутия.Инфо Текст: Прокуратура Якутии Фото: pro-mineral.ru YAKUTIA.INFO. Прокуратура республики направила в суд уголовное дело о незаконном предпринимательстве с извлечением дохода в размере более 52 миллионов рублей.
    Якутия.Инфо
    В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
    Правительство Республики Саха (Якутия)
    Дети из Якутии прибыли в Москву для личностного и профессионального самоопределения - Постоянное представительство РС(Я) при Президенте РФ 25 марта в гостях у Постоянного представительства Республики Саха (Якутия) при Президенте Российской Федерации побывала большая делегация детей из республики,
    Постоянное представительство РС(Я) при Президенте РФ
    Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
    ИА SakhaLife.Ru
    4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
    Мирнинский район
    В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
    УФСИН России по Республике Саха (Якутия)