Оҕолорго аналлаах "Сардаана сибэкки" саха бастакы мюзикла сүрэхтэннэ

Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Оҕолорго аналлаах "Сардаана сибэкки" саха бастакы мюзикла сүрэхтэннэ
Фото: iltumen.ru
Сэтинньи 5 күнүгэр Өксөкүлээх Өлөксөй аатынан норуоттар доҕордоһууларын дьиэтигэр Екатерина, Алексей Егоровтар "Сырдык сүүрээн" оҕо образцовай эстраднай студиялара, Сардаана Катакова салайааччылаах "Сандал" оҕо образцовай үҥкүүтүн бөлөҕө кыттыылаах, биллиилээх суруйааччы Дмитрий Наумов "Сардаана сибэкки" остуоруйатыгар олоҕуран, сахалыы бастакы оҕоҕо аналлаах мюзикл сүрэхтэниитэ буолла. Үөрүүлээх түгэҥҥэ Саха Өрөспүүбүлүкэтин Ил Түмэнин наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Антонина Григорьева кыттыыны ылла.   "Биһиги бүгүн оҕолорго аналлаах саха бастакы мюзиклын көрөр дьоллоох дьоро түгэҥҥэ тигистибит. Бу республикабытыгар саҥа хайысха буолар. Киһи хараҕар быраҕыллар, сиэдэрэй сыана көстүүтэ көрөөччүгэ интэриэһи саҕар. Бары даҕаны остуоруйа алыптаах эйгэтигэр киирээри бэлэм олоробут. Айымньы тахсарыгар культура эйгэтигэр республикабыт киэн туттар дьоно-сэргэтэ сүрэхтэрин сылааһын иҥэрэн үлэлээбиттэрэ олус хайҕаллаах. Мин бүгүн, Екатерина Борисовна уонна Алексей Васильевич уһуйааччы быһыытынан үлэлэрин бэлиэтиэхпин баҕарабын. Элбэх оҕону биир ситимҥэ киллэрии, куоластарын аттаран туруоруу, сөпкө ыллатыы бу сыралаах үлэттэн тахсар. Ааһан эрэр экология сылын чэрчитинэн, үүнээри турар оҕо-аймах сылыгар сөп түбэһиннэрэн премьера тахсыбыта кэрэхсэллээх. Инникитин даҕаны дьоһун бырайыактары, саҥа айымньыны, чэгиэн туругу, көрөөччү дохсун ытыһын тыаһын баҕарабын", - диэн Антонина Григорьева баҕа санаатын эттэ.   Мюзикл ырыатын барытын таҥмыт саха народнай артыыһа Алексей Егоров : "Мюзиклбытын айылҕа харыстабылыгар анаатыбыт. Сахаларга Сардаана сибэкки айылҕабыт кэрэ көстүүтэ. Бу сибэкки нөҥүө биһиги айылҕа кэрэтин көрөбүт, ылынабыт. Остуоруйаҕа уопсайа 70-ча оҕо кыттыыны ылла. Бу Екатерина Борисовна режиссер быһыытынан бастакы улахан үлэтэ буолла. Оҕолору тыл-өс өттүгэр, сценаҕа холкутук тутта-хапта сылдьарга "Үүнэр көлүөнэ театрын" артыыһа Изабелла Егорова уһуйда. Хоһооннору саха биллиилээх поэта Саргылана Гольдерова-Саргы Куо суруйан биэрбитэ. Ырыа матыыптарын Өркөн, Харысхан Егоровтар айдылар. Доҕуһуолун оҥоруутугар аранжировщиктар Лэкиэс Гаврильев, Моисей Кобяков, Иннокентий Тытыгынаев, Серафим үлэлэстилэр. Оҕолор көстүүмнэрин Изабелла Кузьмина уруһуйдаата. Сценографиябытын Саха театрын худуоһунньуга Михаил Егоров толкуйдаан, тобулан таһаарда. Бу курдук, оҕолорго аналлаах саха бастакы "Сардаана сибэкки" мюзикла ситэн-хотон сириэдийэн, ырыанан-үҥкүүнэн туолан, тупсан ытыктабыллаах көрөөччүлэр, эһиги дьүүлгүтүгэр таҕыста. Үүнэн-сайдан иһэр ыччат айылҕабыт барахсаны үйэлэр тухары харыстыаҕа, таптыаҕа", - диэн киирии тылы эттэ.   Быыс аһылынна. Мюзикл норуот кутун туппут Валерий Ноев "Кыыс Амма" ырыатынан саҕаланан, көрөөччүлэри айылҕа алыптаах эйгэтигэр, ырыа-үҥкүү долгунугар умсугута киллэрдэ. Оҕолор өр кэм устата бэлэмнэммит буоланнар оруолларын толору арыйдылар. Остуоруйа дьоруойдара айылҕа чэчирии чэлгийэрин, кураантан ытыырын итэҕэтиилээхтик тириэртилэр. Култуура киинигэр мустубут көрөөччү оҕолор ырыанан-үҥкүүнэн сиппит айымньыны сэргээн көрдүлэр. Ийэ айылҕаҕа ураты харыстабыллаах сыһыан баар буолуохтааҕын өйдөөн, сорох уустук сыаналарга сирэйдиин-харахтыын уларыйан иһийдилэр. Ити курдук, сэтинньи биир киэһэтигэр "Сырдык сүүрээн" уонна "Сандал" ансамбыллар саха көрөөччүтүгэр анаан саҥа тыыны, ураты туруорууну бэлэхтээтилэр.     Ил-Түмэн пресс-сулууспата                      
 
По теме
Вилюйский район: Совместные рейды с МТПК - Противопожарная служба Пожарные и инструкторы противопожарной профилактики ОГПС РС(Я) №15 по МО «Вилюйский улус (район)» активно проводят инструктажи по пожарной безопасности.
Противопожарная служба
Сильный ветер и метель - Нерюнгринский район ПО ПРОГНОЗУ ФГБУ «ЯУГМС»: ближайшие сутки, 30 марта в Нерюнгринском районе, сохраниться сильный ветер с порывами до 15-20 м/с, метель.
Нерюнгринский район
В Якутской гордуме: поддержка участников СВО и их семей и вопросы школьной медицины - ИА SakhaLife.Ru В Якутской гордуме в новом созыве проведена структурная реорганизация — вместо одной комиссии по соцполитике сейчас действуют две — по социальной поддержке и охране здоровья граждан и по образованию, культуре и детству.
ИА SakhaLife.Ru
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru
Названы лауреаты премии «Күн Өркөн» - ИА SakhaLife.Ru XXXI гала-концерт колледжа культуры и X I церемония вручения премии «Күн Өркөн» 28 марта 2024 г. в Якутске состоялся гала-концерт студентов Якутского колледжа культуры и искусств им.
ИА SakhaLife.Ru
В Якутске состоялся I Открытый конкурс исполнителей на кылыһах кырыымпе - Министерство культуры        28 марта с.г. состоялся I Открытый конкурс исполнителей на кылыһах-кырыымпе, посвящённый 10-летию ансамбля якутских инструментов "КЫЛ САХА" Национального театра танца РС (Я) им.
Министерство культуры