АЙАР ДЬОҔУР УОННА СЫТЫЫ ӨЙ САЙДАР ЭЙГЭТЭ - САХА КВН

«Саха КВН оскуолата – айар дьоҕур уонна сытыы өй сайдар эйгэтэ», – диэн кэпсиир СӨ «Саха КВН Лигата» ыччат общественнай тэрилтэтин бэрэссэдээтэлэ, «Сосновай бор» иһинэн арыллыбыт «Саха КВН» лааҕырын салайааччыта Геннадий ОХЛОПКОВ. Бу дьыл атырдьах ыйын 3 күнүттэн 23-гэр диэри Каландаришвили лааҕыр базатыгар көрү-күлүүнү көҕүлүттэн туппут, айар-тутарбаҕалаах, олоххо көхтөөх дон – КВН-щиктар 12-с анал сменалара буола турар. Ол туһунан сэһэргэһиэхпит.

 

Сахалыы тыллаах КВН сылтан сыл тэтимнээхтик сайдар, оҕо-ыччат болҕомтотун тардар, кутун тутар далааһыннаах хамсааһыныгар кубулуйда. Тэрийээччилэр этэллэринэн, ситиһии төрдө – оҕо сайдар сааһын таба тайаныы, тиһиктээх дьарыктары уонна оонньуулары тэрийии. Холобур, Саха КВН эйгэтигэр оҕолор бэһис кылаастан саҕалаан утумнаахтык дьарыктаналлар, кыһыҥҥы өттүгэр республикатааҕы оонньууларга илин-кэлин түсүһэллэр, онтон сайыҥҥы кэмҥэ лааҕырга кэлэн маастарыстыбаларын үрдэтэллэр, КВН-оонньуу ымпыгын-чымпыгын, кистэлэҥнэрин, үөрүйэхтэрин баһылыыллар.

«Дьиҥэ айар доҕурдаах-талааннаах оҕо хас биирдии оскуолаҕа баар буолуон сөп. Хомойуох иһин улахан дьон, педагогтар уонна төрөппүттэр, оҕо талаанын таба тайаммакка, арыйбакка, болҕомтоҕо ылбакка куоттарыахтарын сөп, биитэр оҕо бэйэтэ «атыҥҥа» улдьааран «кэмин» аһардан кэбиһиэн сөп. Маны таһынан сорох оскуолаҕа сөптөөх усулуобуйа олохтоммото, бэлэмнээх педагог көстүбэтэ эмиэ улаханнык атахтыыр», – диэн санаатын үллэстэр Геннадий ОХЛОПКОВ .

Быйылгы лааҕырга уопсайа 18 улуустан уонна Дьокуускай куорат оскуолаларыттан 200-чэкэ оҕо сынньана кэлбит. Сүрүннээн, орто уонна улахан сүһүөх оҕолоро мустубуттар. Лааҕыр ортолообут: номнуо этэрээттэринэн үлэ күөстүү оргуйар, оҕолор бэрт эйэлээхтик уонна дьоһуннаахтык тутта-хапта сылдьаллар. Тохтоло суох ыалдьыттар, специалистар кэлэн маастар-кылаастары көрдөрөллөр. Этэрээттэринэн оонньуулар, күннэтэ чэбдигирдэр процедуралар, лааҕыр оҕото бүттүүнэ кыттыылаах араас эгэлгэ тэрээһиннэр ыытыллаллар эбит.

Тэрийээччилэр былааннара киэҥ: сайыҥҥылыы сылаас күннэри баттаһа КВН-щиктар тэтимтээх ырыаларынан үҥкүү флеш-мобун бэлэмнииллэр, Саха КВН туһунан сюжет усталлар уонна лааҕырга кэлбит оҕолору түмэн тэттик документальнай киинэни усталлар. Бу туһунан уонна оҕолор лааҕырга кэлэн тугу саҥаны билбиттэрин, туохтан сөхпүттэрин, инникитин туох санаалаахтарын кэпсииллэр.

Николай КОРЯКИН, XII республикатааҕы «Саха КВН оскуолата» сайыҥҥы лааҕыр (смена) сүрүннээччитэ, документальнай киинэ ааптара:

  • Саха КВН лааҕырыгар оҕо сөбүлээн сылдьар. Биэстиитэ-алталыыта сылдьыбыт оҕолор кытта бааллар. Сүрүннээн кыһын Саха КВН оонньууларыгар кыттар оҕолор кэлэллэр. Уопут ылаары, сайдаары. Барыларын кэриэтэбилэбит, харахпыт далыгар сылдьар дьон. Кинилэр хайдах сайдалларын, киһи быһыытынан ситэллэрин-хотоллорун кэтээн көрөбүт. Бодьуустаһабыт. Ол биһиги үлэбит. Кырдьык сыралаах уонна түбүктээх үлэ! Саха КВН бырайыак биир сайынынан, сылынан түмүктэммэт. Холобур, бу күһүн оскуола оҕолорун Саха КВН оонньууларын 19 сезонун арыйыахпыт. Онтон быйылгы лааҕырбыт сүрүн уратыта – үлэбит ис хоһоонун киэҥ эйгэҕэ, төрөппүттэргэ, педагогтарга тиэрдии. Элбэх оҕо Саха КВН-ҥа кэлэн баран уларыйар, сайдыы суолун тутуһар, сырдыкка-ситиһиигэ дьулуһар буолар. Кэрэ эйгэтигэр сыстан куһаҕан дьаллыктан тэйэр, доҕоттордонон эрэх-турах сананар, ис кыаҕа арыллар, киһи быһыытына бигэтик ситэр. Бу уларыйыыны, сөптөөх суолга турунууну, көхтөөх үлэҕэ сыстыыны ис-иһиттэн көрдөрөр сыаллаах бу киинэни уста сылдьабыт. Киинэ оҕолор кэпсээннэригэр олоҕурар. Кинилэр КВН эйгэтин кытта уларыйыылара, санаалара-оноолоро, үтүө санааҕа түмсүүлэрэ көстүөҕэ. Биллэн турар, лааҕыр кыттыылаахтарыгар да, КВН-щиктарга да өйдөбүнньүк бэлэх буолуо.
  • Айтал ЯКОВЛЕВ, Саха гимназия, 10 «б» кылаас үөрэнээччитэ, Оҕо айымньытын дыбарыаһын «С.Г.О.» Саха КВН хамаандатын оонньооччута (4 этэрээт):

  • Саха КВН-ы уруккуттан сэҥээрэн көрөр этим. Оонньуохпун наһаа баҕарарым. Ийэм олус өйүүрэ. Дьарыктан, боруобаланан көр диэн өрүү сүбэлиирэ. Сэттис кылааска диэри Ньурбаҕаолорбутум. Онно оскуола иһинэн тэриллэр КВН-ҥа кыттарым, кэккэ ситиһиилэрдээхпин. Тохсус кылааска куоракка көһөн кэлбиппит. Тута Дьокуускай куорат Оҕо айымньытын дыбарыаһыгар эбии дьарыктарга суруттара барбыппыт. Дьэ онно «Саха КВН» диэн суруллан турар этэ. Тута киирэбин диэн быһаарыммытым. Онтон ыла КВН-нынан күнү көтүппэккэ дьарыктанабын, олус сөбүлүүбүн. КВН-мын үөрэхпин сэргэ тута сылдьабын. Уопсайынан, киһи сөбүлүүр дьарыктаах буоллаҕына үөрэҕэр да ордук кыһаллар буолар эбит. Билэбин уонна итэҕэйэбин, дьарыгым, мунньуммут уопутум кэлин олус туһалыа диэн. Элбэҕи билэр-көрөр, хотоойутук тутта-хапта сылдьар, кыайа-хото саҥарар киһи өрүү ситиһиилээх буолар. Саха КВН лааҕыра куруутун сайдыа диэн олус эрэнэбин!Онуоха барыта биһигиттэн улахан тутулуктааҕын өйдүүбүн. Түһэн биэрбэккэ Саха КВН, Саха сирэ сайдарын туһугар ис сүрэхпиттэн кыһаллыам, үлэлэһиэм.
  • Амина ТЫРЫЛГИНА, Горнай улууһун А.Н. Осипов аатынан Бэрдьигэстээх орто оскуолата,9 «а»кылаасүөрэнээччитэ, «Инь-янь» Саха КВН хамаандатын оонньооччута (5 этэрээт):

  • Лааҕырга иккис сырыым. Саха КВН оскуолата олус үчүгэйдик саҕаланна, барыта наһаа сырдык, ыраас. Сайыны олус күүппүтүм. Кэпсээммин бастаан баһаатайдарбыттан саҕалыахпын баҕарабын. Наһаа кыһамньылаахтар, оҕолуу «нохоо» диэн истиҥник сыһыаннаһаллар, түүннэри-күнүстэри үлэлииллэр. Этэрээттэр бары ис истэриттэн кыһаллан туран бэлмэнэнэллэр, үлэлииллэр. Холобур, лааҕыр үөрүүлээх арыллыытыгар төрдүс хамаанда («Чиккиэс») бастаабыта. Маладьыастар! Кыайыахтаахтарын кыайбыттара дии саныыбын.Саамай сөптөөх талыы этэ... Кинилэр Саха КВН талисманын – «сахаленогы» (слон оҕото) бэлэх ылбыттара. Онтон мин этэрээтим – 5-с, «Түгэн» диэн ааттаах.Оҕолорум бары ис сүрэхтэриттэн КВН-ны сөбүлүүллэр. Хамаандабыт иһигэр наһаа истиҥ сыһыаннаахпыт, олус эйэлээхпит. Сүрдээх сэргэх олохтоох дьоммут. Бэл диэтэр, телефон диэн тугун умуннубут. Хата дьонум суохтаабыттара буолуо (күлэр). Өссө биири бэлиэтиэм этэ. Саха КВН саха тылын сайыннарарга үлэлэһэр. Ыраастык саҥарыы болҕомтоҕо ылыллар. Бары кыһаллабыт, сыыс тылы туттубат буола сатыыбыт. КВН-щик диэн баай тыллаах-өстөөх, сымса өйдөөх буолуохтаах. Туохха үөрэммиппит, тугу саҥаны билбиппит лааҕыр бүтүүтэ көстүө! Саха КВН – өрүү баар буол! Өрүү баар буол – Саха КВН!
  •  

    Күндү ааҕааччылар, көрү-күлүүнү сэргээччилэр! Барыгытын атырдьах ыйын 21 күнүгэр Дьокуускай куорат культуратын уонна сынньалаҥын пааркатыгар күнүс 3 чаастан Саха КВН оскуолатын кубогар ыҥырабыт. Кэлэн дуоһуйа сынньаныҥ, оҕолор талааннарын көрөн сэргэхсийиҥ! Күүтэбит!

     

     

    Саха Республикатын Ил Дарханын

    өйөбүлүнэн үлэлиир «Дьулуур»

    оҕо биир сомоҕо хамсааһынын

    информационнай киинэ

     

     
    По теме
    Вступило в законную силу решение Арбитражного суда Республики Саха (Якутия) от 19.02.2024 по делу №А58-2863/2022 о сносе объекта самовольной постройки.
      В ходе приема с участием главы ГО «город Якутск» Григорьева Е.Н. приняты обращения граждан по вопросам реализации социальных и иных прав.
    Указом Главы Республики Саха (Якутия) от 19 июня 2014 г. № 2729 «Об объявлении второго Десятилетия Олонхо в Республике Саха (Якутия)»,
    Прокуратура Республики Саха (Якутия) утвердила обвинительное заключение по уголовному делу в отношении руководителя коммерческой организации.
    Незаконная добыча диопсида велась на протяжении 6 лет в Алданском районе - Якутия.Инфо Текст: Прокуратура Якутии Фото: pro-mineral.ru YAKUTIA.INFO. Прокуратура республики направила в суд уголовное дело о незаконном предпринимательстве с извлечением дохода в размере более 52 миллионов рублей.
    Якутия.Инфо
    В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
    Правительство Республики Саха (Якутия)
    Дети из Якутии прибыли в Москву для личностного и профессионального самоопределения - Постоянное представительство РС(Я) при Президенте РФ 25 марта в гостях у Постоянного представительства Республики Саха (Якутия) при Президенте Российской Федерации побывала большая делегация детей из республики,
    Постоянное представительство РС(Я) при Президенте РФ
    Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
    ИА SakhaLife.Ru
    4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
    Мирнинский район
    В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
    УФСИН России по Республике Саха (Якутия)