ӨЛӨӨҤҤӨ СЫЛГЫНЫ ҮӨРДЭЭН ИИТИИ СОРУГА ТУРАР

Өлөөн улууһугар сылгы ахсаана 195, ол иһигэр биэтэ 93. Ааспыт 2017 сыл туһааннаах кэмигэр иитиллэн турар сылгы ахсаана 192, биэтэ 94 этэ. Быйыл 18 эрэ убаһа төрөөтө. Улууска сылгыны үөрдээн иитиигэ сыал-сорук турар.

Нэһилиэктэринэн ылан көрдөххө, билиҥҥи туругунан Өлөөн национальнай нэһилиэгэр 128 сылгы, ол иһигэр 68 биэ баар. Биирдиилээн аҕа ууһун общиналарыгар: Т.В. Караваева баһылыктаах «Үрэҥ» общинаҕа 30 сылгылаах, 21 биэлээх, Н.Г. Никифоров салайааччылаах «Хаптаҕастаах» аҕа ууһугар 11 сылгы, 4 биэ, 3 кулунчуктаах, П.Х. Васильев «Кулунчук» аҕа ууһугар 59 сылгы, 25 биэ, 5 кулунчук, С.А. Татаканов  дириэктэрдээх «Сардаана» ХЭТ сылгытын ахсаана 23, биэтэ 8, ИП «Винокуров В.П.» сылгыта 5, биэтэ 2.

Кирбэй национальнай нэһилиэгэр сылгы иитиитинэн В.В. Константинов баһылыктаах «Байкиит» аҕа ууһун общината дьарыктанар. Бу күннээҕи туругунан алта сылгылаах, 3 биэлээх.

Улууус хоту өттүгэр сытар Дьэлиҥдэ национальнай нэһилиэгэр 3 сылгылаахтар, 2 биэлээхтэр.

Бүлүү уонна Ньурба улуустарын кытта быысаһа сытар Солоҕоон национальнай нэһилиэгэр бүгүҥҥү туругунан 58 сылгы, 28 биэ баар.

Тэрээһиннээх хаһаайыстыбаларга 23 сылгы, 9 биэ баар. М.В. Кучарова дириэктэрдээх Ээйиктээҕи агрооскуолаҕа 20 сылгылаах, 8 биэлээх, 3 кулунчуктаах. А.Д. Нусугуров «Мууна» аҕа ууһун общинатыгар 3 сылгылаах, 1 биэлээх, 1 кулунчуктаах.

Биирдиилээн дьиэ кэргэттэргэ 35 сылгы иитиллэн турар, төрүүр биэтэ 19, кулунчуга 6.

Төрүөх мөлтөх. 93 биэттэн 18 убаһаланнылар. Онон сылгыны иитэр аҕа ууһун общиналара уонна биирдиилээн урбаан бэрэстэбиитэллэрэ өссө үлэлэһиэхтэрин, үөрдээн иитиигэ сыал-сорук туруоруохтарын наада.

Ааптар: Николай СТРУЧКОВ.

4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)