Оҕолор улахан дьоннуун тэҥҥэ хараалы ыраастаатылар

Хараал2
Оҕолор улахан дьоннуун тэҥҥэ хараалы ыраастаатылар
Оҕолор улахан дьоннуун тэҥҥэ хараалы ыраастаатылар
Фото: ysia.ru

Ааспыт ү йэ а ҕ ыс уонус сыллар ын б үтүү лэригэр , оройуоммут үрдүнэн барыта,   Силээннээх”, “Усуйаана”, “Тумат” со пхуостары холбоон, 35 ты һ ыынча таба баара. Онтон уонча ты һ ыынча таба «Тумат» со пхуоһугар иитиллэн, к өрүллэн -хараллан турбута. Ол эрээри , то ҕ ус уонус сыллар га, у луу С эбиэскэй Сойуус ыһыллыбытын кэннэ, урукку государственнай производственнай тутул урусхалланан , «Тумат» со пхуоһугар баара суо ҕ а ү с с үү счэкэ таба хаалбыта. Ити сылларга таба иитиитин суолтата т үһ эн, таба һ ыттарга хамнас т өлөммөт буолан, табаны к өрүү -харайыы олус м өлтөөбүтэ .

2003 сыл олунньутугар Усуйаана улууһун аҕа баһылыга Федоров Г.Н. улууска таба иитиитинэн дьарыктанар «Хайыр», «Дьааҥы», «Тумат», «Силээннээх» ГУП-тары холбоон, биир улахан кооперативы тэрийэр туһунан этии киллэрбитэ. Улуус баһылыгын этиитигэр олоҕуран, 2003 сыллаахха кулун тутарга, «Таба-Яна» диэн кооперативы тэрийбиттэрэ. Оччолорго улуус үрдүнэн 53 табаһыт баара. Таба ахсаана биэс тыһыынчаҕа тиийбэт этэ. Табаһыттар олорор дьиэнэн, туттар тэриллэринэн, техниканан хааччыллыылара суоҕун кэриэтэ этэ. Ону таһынан, холбоммут ГУП-тар үлэһиттэригэр хамнас иэһин (уон мөлүйүөнтэн тахса) төлүүргэ эбэһээтэлистибэ ылыллыбыта.

Ити иэһи төлүүргэ, табаһыттарга усулуобуйаны тэрийэргэ элбэх ыарахаттар көрсүллүбүттэрэ. Ылыныллыбыт эбэһээтэлистибэлэри толорорго улахан көмөнү улуус аҕа баһылыга Федоров Г.Н. оҥорбута. Оччолорго тыа хаһаайыстыбатын миниистирэ Степанов А.И. уонна «Туймаада» ФАПК дириэктэрэ Васильев А.И. улахан үлэни ыыппыттара. Ол курдук өр кэмнээх кыра бырыһыаннаах кирэдьииттэр бэриллибиттэрэ. Ити кирэдьииттэргэ олоҕуран балыгы астыыр саҥа тэрил ылыллыбыта, табаһыттарга дьиэ-уот, база тутуута саҕаламмыта. Онтон ыла уонтан тахса сыл ааһа оҕуста. Бу сыллар усталара, чуолаан Тумат нэһилиэгэр, таба иитиитэ күүскэ ыытылынна. Билигин Тумакка икки ыстааданан үс тыһыынча кэриҥэ таба баар.

Манна даҕатан эттэххэ, табаһыттар сылга иккитэ харааллаан, хас атыыр, хас тыһы, хас тугут баарын ааҕан, сыралаах үлэлэрин түмүгүн таһаараллар этэ. Ону баара быйыл,  билэргит курдук, хоту оройуоннарга күһүҥҥүттэн саҕалаан олус элбэх хаар түһэн, табаны иитиигэ, көрүүгэ-харайыыга, чуолаан сааскы харааллааһыны ыытыыга олус улахан кыһалҕаҕа кыһарыйа сырытта. Хараалга табаны киллэрэн кыайан аахпат балаһыанньана үөскээбитэ. Онон быйыл саас табаны харааллааһыны оҥорбот балаһыанньа буолла диэн табаһыттар, олохтоох дьон улаханнык муҥатыйбыттара, санааҕа ылларбыттара.

Онтубут баара, хоту дойду дьонун-сэргэтин хоһуун дииллэрэ мээнэҕэ буолбатаҕын итэҕэйдибит. Олохтоохтор таба туһата уонна суолтата улаханын өйдөөн, сааскы харааллааһыны хайаан да ыыттахха сатанар диэн туруммуттара. Ол түмүгэр, нэһилиэк олохтоохторо хараал хаарын ыраастыырга бэйэлэрин баҕаларын биллэрбиттэрэ. Манна өссө сүрүн күүһү оскуола оҕолоро ылбыттара барыбытын улаханнык үөртэ, астыннарда.

Сааскы каникул саҕаланыыта, Тумат орто оскуолатын бэһис кылаастан уон биирис кылааһыгар диэри үөрэнэр оҕолор уонна учууталлар хараалы ыраастаатылар. Күргүөмнээх уопсай үлэ быыһыгар таба диэн биһиги таҥнар таҥаспыт, аһыыр аспыт, көлүнэр көлөбүт, үлэбит-хамнаспыт, инникибит буоларын, табаһыт үлэтэ дьоһуннаах суолталааҕын, ону ытыктыырга, сыаналыырга өйдөтүү, быһаарыы үлэтэ эмиэ ыытылынна. Оҕолор хас сыл аайы күһүн-саас хараалга сылдьыбыт, көмөлөспүт буоланнар, хаары ыраастааһыҥҥа олус көхтөөхтүк кытыннылар. Уон биирис кылаас оҕолоро үрдүк таһаарыылаахтык, киһи эрэ астына, хайгыы көрүөн курдук туттан-хаптан үлэлээтилэр Хараал иһэ тобус-толору хаардааҕынан уонна хараал наһаа киэҥин быһыытынан, күрүөтүн тула балтараа миэтэрэ кэтиттээх хаары сиригэр тиийэ ыраастаатылар. Бэйэтин тэҥнээхтэригэр саамай дириҥ хаары алтыс кылаас үөрэнээччитэ Томскай Руслан хаста. Оҕолору кытта тэҥҥэ Тумат нэһилиэгин атын тэрилтэлэрин: балыыһа, оҕо саадын уонна да атын тэрилтэ үлэһиттэрэ көхтөөхтүк кытыннылар. Күргүөмнээх үлэ үөһүгэр үһүс, төрдүс кылаас оҕолоро бэйэлэрин үтүө баҕаларынан кэлэн көмөлөспүттэрэ хайҕаллаах.

Ити курдук, оҕолор уонна улахан дьон киэҥ бэйэлээх хараалы икки күн устата үөрэ-көтө бэрт үчүгэйдик кыһаллан ыраастаатылар. Онон быйыл саас Тумакка сааскы хараал ыытыллар кыахтанна. Оҕолор кыайыылаах, хотуулаах үлэттэн астыннылар, дуоһуйдулар. Табаһыттар уонна олохтоох дьаһалта оҕолорго, улахан дьоҥҥо махталлара улахан.

Семен Филиппов освобождён от занимаемой должности - ИА SakhaTime Директор Управления автомобильных дорог РС(Я) Филиппов Семён освобождён от занимаемой должности на основании распоряжения председателя правительства Бычкова Кирилла от 29 марта, пишет Торбозное радио.
ИА SakhaTime
Вилюйский район: Совместные рейды с МТПК - Противопожарная служба Пожарные и инструкторы противопожарной профилактики ОГПС РС(Я) №15 по МО «Вилюйский улус (район)» активно проводят инструктажи по пожарной безопасности.
Противопожарная служба
Названы лауреаты премии «Күн Өркөн» - ИА SakhaLife.Ru XXXI гала-концерт колледжа культуры и X I церемония вручения премии «Күн Өркөн» 28 марта 2024 г. в Якутске состоялся гала-концерт студентов Якутского колледжа культуры и искусств им.
ИА SakhaLife.Ru
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru
В Якутске состоялся I Открытый конкурс исполнителей на кылыһах кырыымпе - Министерство культуры        28 марта с.г. состоялся I Открытый конкурс исполнителей на кылыһах-кырыымпе, посвящённый 10-летию ансамбля якутских инструментов "КЫЛ САХА" Национального театра танца РС (Я) им.
Министерство культуры