Нурбаҕа быыбарга бэлэмнэнии үлэтэ барар

Нурбаҕа быыбарга бэлэмнэнии үлэтэ барар
Фото: yakut.er.ru
Ньурбатааҕы территориальнай быыбар хамыыһыйатын бэрэссэдээтэлэ Наталья Семеновна Петрова иһитиннэрэринэн, 19 быыбардыыр уокурукка улуус бэрэстэбиитэллээх уорганын — улуус Сүбэтин дьокутааттарыгар хандьыдааттар регистрацияланан бүттүлэр.

80 киһиттэн 18-һа — «Биир ньыгыл Арассыыйа», 11-рэ — КПРФ, 1 — «Сиэрдээх Арассыыйа» баартыйа бэрэстэбиитэллэрэ, итиэннэ 50 хандьыдаат бэйэлэрэ туруоруннулар. Саамай элбэх — 6-лыы киһи 8 №-дээх Амакинкатааҕы уонна Күндээдэтээҕи 12 №-дээх уокуруктарга регистрацияланна. Тыалыкы, Сайылык (Хорула), Хаҥалас, Маалыкай, Мэҥэдьэк уонна Октябрьскай быыбардыыр уокуруктарыгар — 3-түү уонна атын уокуруктарга түөртүү-биэстии хандьыдаат.

11 №-дээх биир мандаттаах быыбардыыр уокуруктан СӨ Ил Түмэнин норуодунай дьокутаатыгар хандьыдаатынан 4 киһи регистрацияланна. «Биир ньыгыл Арассыыйа» баартыйаттан —  Григорьева Антонина Афанасьевна , «Сиэрдээх Арассыыйа» баартыйаттан  Попов Борис Николаевич , «Гражданскай платформаттан»  Федорова Ирина Николаевна — «Ньурба-таас» ХЭТ салайааччыта уонна КПРФ-тан  Сергин Валерий Степанович Кинилэр сонуннары киэҥник тарҕатар сириэстибэлэр нөҥүө аҕытаассыйаланалларыгар сэрэбиэйдэр ыытыллан, тахсар графиктара оҥоһулунна.

Быыбардааччылартан эрдэттэн сайабылыанньалары ылыы түһүмэҕэ бара турар. Балаҕан ыйын 9 к. пропискалаах сирдэриттэн атын сиргэ баар буолар дьоннор эбэтэр дьиҥнээҕинэн атын сиргэ олорооччулар баар сирдэринэн территориальнай быыбар хамыыһыйаларыгар эбэтэр МФЦ, «Госуслуги» сайт нөҥүө киирэн сайабылыанньа толорон, балаҕан ыйын 9 к. ханна быыбардыыр учаастактарыгар испииһэккэ киирэргэ сайабылыанньа толороллор.  Онон Ньурбабыт улууһун нэһилиэктэригэр регистрацияламмыт олохтоохтору, Ньурбаҕа эбэтэр атын сирдэргэ олорор буоллаххытына, маннык сайабылыанньа биэрэн быыбардыыр учаастактаргытын эрдэттэн быһаарынаргытыгар ыҥырабыт. Улуус тас өттүгэр олорор дьону сайабылыанньа толорон, бэйэҕит эмиэ ханна быыбардыыр учаастактаргытын ыйан, Ньурба улууһун испииһэктэриттэн тахсаргытын санатабыт.

Улуус үрдүнэн бу быыбардары ыытарга 30 учаастактааҕы быыбар хамыыһыйата тэрилиннэ. Итини таһынан Накыын вахтовай бөһүөлэгэр 31-с быстах кэмнээх хамыыһыйа үөскэтилиннэ. Быыбар ыытыллар миэстэлэрин бэлэмнээһиҥҥэ олохтоох дьаһалталар үлэлэһэ сылдьаллар. Ол курдук видеонан кэтээн көрүү, «тревожнай кнопка», уот барар түбэлтэтигэр саппаас генератор уонна стационарнай тимири көрдөөччү аппарааттарын туруорарга үлэлэр бара тураллар.  Учаастактааҕы быыбар хамыыһыйалара атырдьах ыйын 27 күнүттэн үлэлэрин саҕалыахтара. Атырдьах ыйын 29 күнүттэн балаҕан ыйын 5 к. диэри быыбар кэмигэр — балаҕан ыйын 9 к. пропискалаах миэстэлэринэн нэһилиэктэригэр суох буолар олохтоохтортон сайабылыанньалары тутуохтара. Кинилэргэ эмиэ прописката суох эрээри кэлэн куоластыыр дьоннорун испииһэккэ эбии киллэртиэхтэрэ.

Балаҕан ыйын 9 к. быыбарга улуус 2 нэһилиэгин баһылыктара талыллыахтара. Чуукаар нэһилиэгин баһылыгын дуоһунаһыгар үс хандьыдаат регистрацияланна: биэнсийэлээх   Николаева Татьяна Дмитриевна , ОДьКХ Ньурбатааҕы филиалын үлэһитэ  Степанов Владимир Петрович   уонна нэһилиэк баһылыгын эбээһинэһин толорооччу  Кириллин Василий Руфович .

Бордоҥ нэһилиэгин баһылыгар икки киһи: нэһилиэк Сэбиэтин бэрэссэдээтэлэ  Степанов Прокопий Юрьевич , уонна Бордоҥ нэһилиэгин баһылыгын эбээһинэһин толорооччу  Ушканов Леонид Владимирович .

Ааптар : Геннадий АНТОНОВ.

http://ulus.media

 
По теме
 После убийства мужчина выпил остатки водки и позвонил бывшей сожительнице, которой сообщил, что застрелил человека, но не уточнил кого именно, после чего лег спать.
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)