Өксөкүлээх Өлөксөй саха тылыгар суруйбут научнай үлэлэрин кинигэтэ сүрэхтэннэ

Фото: iltumen.ru
Олунньу 14 күнүгэр Саха Өрөспүүбүлүкэтин Наукатын академиятын уораҕайыгар айар тыл аҕатынан уонна бөлүһүөгүнэн сураҕырбыт А.Е. Кулаковскай-Өксөкүлээх Өлөксөй тыл үөрэхтээҕин, лингвист уонна литература теоретигын быһыытынан чинчийэр, анаарар үлэлэрин түмпүт «Труды по якутскому языку» кинигэтин сүрэхтэниитэ буолла.   Тэрээһиҥҥэ Саха Өрөспүүбүлүкэтин Ил Түмэнин Бэрэссэдээтэлэ Александр Жирков , Өксөкүлээх Өлөксөй сиэннэрэ Раиса Реасовна, Лариса Реасовна Кулаковскаялар , хос сиэннэр, аймахтар, учуонайдар, тыл үөрэхтээхтэрэ, интеллигенция кыттыыны ыллылар, санаа атастастылар.   Кинигэ сүрэхтэниитин «Саха сирин суруйааччылара» ассоциация бэрэссэдээтэлэ Олег Сидоров иилээн-саҕалаан ыытта.   Бу кинигэ А.Е. Кулаковскай-Өксөкүлээх Өлөксөй сиэнэ, эһэтин баай литературнай, научнай нэһилиэстибэтин чинчийиигэ, тарҕатыыга, кини аатын үйэтитиигэ олоҕун анаабыт, ХИФУ А.Е. Кулаковскай институтун төрүттээччи дириэктэрэ, А.Е. Кулаковскай аатынан судаарыстыбаннай бириэмийэ лауреата, филологическай наука кандидата Людмила Реасовна Кулаковская бүтэһик, кэриэс үлэтинэн буолар.   Кини киирии тылларын, комментарийдарын сиһилии суруйан, бастакы эрэдээксийэлээһинин oҥopoн хаалларбытын кыыһа Анастасия Кузнецова-Кулаковская салгыы үлэлэһэн кинигэ бэчээттэнэн таҕыста.   Хомуурунньукка архыып фондаларыттан көстүбүт үлэлэр таҥыллан киирбиттэр. Ыстатыйаларга Алексей Кулаковскай саха тылын сайдыытын туһунан концепцията арыллан көрдөрүллэр, Саха сиригэр XX үйэ 20-с сыллардааҕы тыл бэлиитикэтин кыһалҕалара сырдатыллаллар.   Өксөкүлээх Өлөксөй «Новая транс­крипция якутского языка», «Якутский язык», «Русские слова, перенятые и усво­енные якутами (кроме собственных имен и названий)», «Ол бу сирдэр, улуустар, уокуруктар тыллара». «Наречия разных местностей, улусов и округов с прибав­лением архаизмов, специальных охот­ничьих терминов, омонимов и синони­мов», «О происхождении слова «якут», «Правила якутского стихосложения» уонна да атын ыстатыйалара учуонайдары, устудьуоннары эрэ буолбакка, хайа бaҕaрар ааҕааччыны интэриэһиргэтиэхтэрэ.   Кинигэ биир тугунан да сыаналаммат матырыйаалынан Алексей Елисеевич Кулаковскай Э.К. Пекарскайга, И.С. Говоровка, С.А. Новгородовка, П.А. Ойуунускайга И.Н. Бараховка, суруктара киирбиттэр.   Саха Өрөспүүбүлүкэтин Ил Түмэнин Бэрэссэдээтэлэ Александр Жирков Алексей Елисеевич Кулаковскай-Өксөкүлээх Өлөксөй саха бастакы көлүөнэ интеллигенциятын биир саамай чаҕылхай бэрэстэбиитэлэ буолар диэн этиитин саҕалаата. «Өксөкүлээх Өлөксөй «Хоһоону айыы төрүттэрэ» диэн үлэлээх. Ол үлэ бу кинигэҕэ киирбит. Хаһан суруйбута биллибэт, 1925 сыл диэн массыыҥканан охсуллубут. Онно кини үс сүрүн өйдөбүлү киллэрбит. Бастатан туран, саха хоһооно нуучча хоһоонуттан быдан атын диэн. Иккиһинэн, саха хоһоонун уратытынан аһаҕас дорҕооннор дьүөрэлэһиилэрэ буолар диэбит. Итинэн көрдөхпүнэ, «Закон гармонии гласных» диэн өйдөбүлү саха литературатыгар аан бастаан киллэрбит. Ону наһаа үчүгэйдик ырыппыт. Аллитерация ирдэбилэ хоһоон саҕаланыытыгар тутуһуоллаах диэбит. Кылгас уонна уһун хоһооннор тустарынан санаатын суруйбут. Мин хоһоону ырытан баран, олоҥхо туһунан тоҕо тугу даҕаны эппэтэҕий диэн   дьиктиргээбитим. Кэнники өссө ааҕан, чинчийэн көрбүтүм, ити ырыппыт хоһоонноро барыта сахалыы олоҥхо, тойук тыллара эбиттэр. Анал үөрэҕэ суох киһи бэйэтэ айылҕаттан бэриллибит өйүнэн саха олоҥхото хайдах оҥоһуллан тахсыахтааҕын бу кылгас ыстатыйатыгар төрдүн суруйбут хаалларбыт», - диэн санаатын эттэ.   Салгыы Александр Николаевич Алексей Елисеевич 1926 сыллаахха суох буолбутун, өлбүтүн кэннэ кини суруйууларын омсолоох айымньылар диэн кириитикэлээһин саҕаламмытын, билигин биһиги олус холку кэмҥэ олорорбутун, Өксөкүлээҕи куһаҕаннык саҥарбыт киһи бэйэтэ мөҕүллүөн сөбүн эттэ. «Тыл туһугар туруулаһыы тохтообот, омук бэйэтэ баарын тухары кини тылын туһугар үлэлэһиэхтээх. Оннооҕор былыргы үйэҕэ туттуллубут тыллар эйгэлэрин сүтэрбэтэх буоллахтарына, омуктара суох, тыллара баар буолар. Тыл уонна саха норуотун кэскилин туһугар үлэлээһин иккиэн тэҥҥэ тутуллан ыытыллыахтаахтар. Итиннэ улуу убайдарбыт ааттарын харыстааһын, кинилэри кэнчээри ыччакка сырдатыы, ааттарын саҥаттан-саҥа эйгэҕэ таһаарыы бу билиҥҥи көлүөнэ учуонайдарга, тыл туһугар туруулаһар дьоҥҥо сорук быһыытынан турар», - диэн бэлиэтээтэ.   «Бигэргэтиллибит история уонна киниттэн ураты, соччо тутулуга суох история эмиэ баар. Биһиэнэ официальнай историябыт 1950-с сылларга оҥоһуллан турар. Үс томнаах кинигэ тахсыбыта. Бастакы томугар барыта Алексей Окладников суруйуута этэ. Ол кэмтэн ыла үйэ аҥарыттан ордук кэм ааста, элбэх үлэ сурулунна. Билигин итини иккиһин саҥардыы үлэтэ ыытыллан түмүктэнэн эрэр. Эмиэ үс томнаах кинигэ буолуохтаах. Структурата уруккутааҕар атын, саҥалыы оҥоһуллар. Мин рукописьтарын көрө сылдьабын. Биирдиилээн кинигэлэр таҕыстылар. Ити үчүгэй, хайҕаллаах. Саҥа тахсар Саха сирин официальнай историятын кинигэтигэр ким да мөккүспэт гына бастакы көлүөнэ саха интеллигенциятын суолтатын, кинилэр үлэлэрин, ситиһиилэрин, тугу гыммыттарын, үлэлэрэ инники өттүгэр туох кэскиллээх буолбутун, норуоттарыгар хайдах дьайбытын барытын киллэриэх тустаахпыт. Бастакы көлүөнэ чаҕылхай дьоно бука бары түмүллэн кинигэҕэ киирдэхтэринэ, кэнчээри ыччаппытыгар дьоһун бэлэх буолуо этэ», - диэн түмүктээтэ.        Ил Түмэн спикерэ Александр Жирков Сербияттан анаан-минээн кинигэ сүрэхтэниитигэр кэлбит Өксөкүлээх Өлөксөй сиэнигэр Лариса Реасовна Кулаковская-Велисавлевичка омук сиригэр дойдутун ааттата сылдьар, тэрээһиннэри ыытар киһиэхэ махтанан туран, «Саха сирэ Россия састаабыгар киирбитэ 385 сыла» бэлиэни туттарда.   Өксөкүлээх Өлөксөй саха тылыгар научнай үлэлэрэ «Историческая память» партийнай бырайыак чэрчитинэн уонна «Саханефтегазсбыт» тэрилтэ генераль­най дириэкгэрэ, Ил Түмэн депутата Игорь Никитин өйөбүлүнэн, туспа кинигэ буолан таҕыста. Сүрэхтэниигэ Игорь Никитин Людмила Реасовна туһунан олус истиҥник аҕынна. «Кинини кытары алтыһан олус элбэҕи биллим, бэл диэтэр, биир хаартыскаҕа бэйэм эһэбин буллум. Кини туһунан үөрэтиэхпин баҕарабын», - диэн санаатын эттэ.   Филологическай наука доктора, ака­демик Петр Слепцов , филологическай наука доктора, литературовед Прасковья Сивцева-Максимова бэйэлэрин этиилэригэр, Людмила Реасовна Кулаковская бу тиһэх үлэтигэр Өксөкүлээх научнай үлэлэрэ, суруктара олус дьоһуннаахтык, дириҥник бэриллибиттэрин, кинигэ суолталаах өрүттэрин бэлиэтээтилэр. Учуонайдар бу кинигэҕэ ураты сыаналааҕынан Людмила Кулаковская суруйбут комментарийдара буолаллар диэтилэр.   «Улуу Өксөкүлээх – сырдатааччы, бөлүһүөк, саха уус-уран литературатын төрүттээччи, уопсастыбаннай деятель, туохтааҕар даҕаны, сахатын дьоно-сэргэтэ үөрэхтээх, кимтэн да итэҕэһэ суох сайдыылаах, дьоллоох  буолуон баҕарара», - диэн Людмила Реасовна Кулаковская биир интервьютугар этэн турардаах. «Архыыпка докумуоннары көрдөөн булууга, чинчийиигэ, эһэм тыыннаах ситимэ буоларым миэхэ көмөлөһөр курдук. Ол докумуоннарга   кини туохтан туоххаһыйбытын, сүрэҕэ туохтан аймаммытын, долгуйбутун, геннай таһымҥа өйбүнэн-санаабынан, эппинэн-хааммынан чугастык ылынан өйдүүбүн дии саныыбын. Өксөкүлээх кинигэлэрэ бэчээккэ тахсалларыгар, мусуойа тэриллэригэр, айымньылара үөрэх учебниктарыгар үчүгэйдик, өссө киэҥник, олохтоохтук киллэриллэллэригэр, онтон да атын кэккэ боппуруостары быһаарыыга, эрэл кыыма баар», - диэбит ыра санаата олоххо киирэригэр баҕарабыт.   Ил Түмэн пресс-сулууспата

Последние новости Республики Саха (Якутии) по теме:
Өксөкүлээх Өлөксөй саха тылыгар суруйбут научнай үлэлэрин кинигэтэ сүрэхтэннэ

- Якутск
Олунньу 14 күнүгэр Саха Өрөспүүбүлүкэтин Наукатын академиятын уораҕайыгар айар тыл аҕатынан уонна бөлүһүөгүнэн сураҕырбыт А.Е.
17:21 15.02.2018 ИА SakhaLife.Ru
Өксөкүлээх Өлөксөй саха тылыгар суруйбут научнай үлэлэрин кинигэтэ сүрэхтэннэ - Государственное Собрание РС(Я)
Өксөкүлээх Өлөксөй саха тылыгар суруйбут научнай үлэлэрин кинигэтэ сүрэхтэннэ - Якутск
Олунньу 14 күнүгэр Саха Өрөспүүбүлүкэтин Наукатын академиятын уораҕайыгар айар тыл аҕатынан уонна бөлүһүөгүнэн сураҕырбыт А.Е.
17:06 15.02.2018 Государственное Собрание РС(Я)
- Якутск
Олунньу 14 күнүгэр Саха Өрөспүүбүлүкэтин Наукатын академиятын уораҕайыгар айар тыл аҕатынан уонна бөлүһүөгүнэн сураҕырбыт А.Е.
16:34 15.02.2018 Государственное Собрание РС(Я)
 
По теме
Тыл тыыннаах буоларын туһугар - ИА SakhaLife.Ru Олунньу 13 күнүттэн саҕалаан өрөспүүбүлүкэбитигэр төрөөбүт тыл уонна сурук-бичик декадата бэлиэтэнэ турар.
16.02.2018
Ийэ тылбыт үйэлэргэ үүнэ-сайда турдун! - Государственное Собрание РС(Я) Олунньу 13 күнэ – төрөөбүт тыл уонна сурук-бичик күнэ. Ийэ тыл норуот майгытын-сигилитин, сиэрин-туомун илдьэ сылдьар буолан, сайдыылаах, баай, хомоҕой.
14.02.2018
 
Состоится презентация книги Алексея Кулаковского «Труды по якутскому языку» - Единая Россия В этом году ко Дню родного языка и письменности в Республике Саха (Якутия) состоится знаковое событие – презентация книги Алексея Елисеевича Кулаковского «Труды по якутскому языку».
05.02.2018
 
Состоится презентация книги Алексея Кулаковского «Труды по якутскому языку» - Государственное Собрание РС(Я) В этом году ко Дню родного языка и письменности в Республике Саха (Якутия) состоится знаковое событие – презентация книги Алексея Елисеевича Кулаковского «Труды по якутскому языку».
02.02.2018
Айсен Николаев дал ряд поручений по выполнению плана по кормозаготовке - Администрация Правительства и Президента РС(Я) В Якутии подтопленные в результате паводка площади пахотных угодий, запланированные под посев зерновых культур, – после высыхания почвы и восстановления изгороди – будут засеяны кормовыми культурами.
16.06.2018 Администрация Правительства и Президента РС(Я)
Экстрим на - Министерство по делам молодежи III Республиканский туристический слет молодежи «МУРБАЙ» вновь собирает любителей экстрима, спортивного туризма и драйва!
18.06.2018 Министерство по делам молодежи
Айсен Николаев: Вопрос по ликвидации последствий паводка в селах Харбалах и Чымнайи будет решен - Администрация Правительства и Президента РС(Я) 16 июня врио главы Якутии Айсен Николаев в рамках рабочей поездки в Таттинский улус побывал в селах Харбалах и Чымнайи, пострадавших от весеннего половодья.
18.06.2018 Администрация Правительства и Президента РС(Я)
Житель Алданского района Якутии предстанет перед судом по обвинению в убийстве, покушении на убийство двух лиц, а также угрозе убийством - Следственный комитет фото из свободных источников Следственным отделом по Алданскому району СУ СК России по Республике Саха (Якутия) завершено расследование уголовного дела по обвинению ранее судимого мужчины, 1982 года рождения,
14.06.2018 Следственный комитет
В пятницу, 15 июня, и.о. заместителя Председателя Правительства РС(Я) Ольга Валерьевна Балабкина, курирующая вопросы образования, науки, профессиональной подготовки и расстановки кадров, социальной защиты населения, здравоохранения,
17.06.2018 Министерство культуры
Айсен Николаев посетил съёмочную площадку фильма «Тыгын Дархан» - Администрация Правительства и Президента РС(Я) В Якутске в священной местности «Үс Хатыҥ» начались съёмки массовых сцен исторического фильма «Тыгын Дархан» по одноимённому роману Василия Яковлева – Далана.
16.06.2018 Администрация Правительства и Президента РС(Я)
ГТОиБ представил «Дыхание нового солнца» - Министерство культуры      9 июня на сцене Государственного театра оперы и балета им. Суоруна Омоллоона была представлена премьера спектакля «Дыхание нового солнца» в постановке молодого режиссера театра Татьяны Саввиновой.
15.06.2018 Министерство культуры
Указ Главы Республики Саха (Якутия) «Об исполняющем обязанности министра внешних связей и делам народов Республики Саха (Якутия)» - Администрация Правительства и Президента РС(Я) Об исполняющем обязанности министра внешних связей и делам народов Республики Саха (Якутия)   Назначить Кириллина Гаврила Витальевича исполняющим обязанности министра внешних связей и делам народов Республики Саха (Якутия).
18.06.2018 Администрация Правительства и Президента РС(Я)
Гостям и участникам Ысыаха Туймаады будет обеспечена устойчивая сотовая связь - Администрация г.Якутск   Об усилении каналов связи во время проведения национального праздника «Ысыах Туймаады» шла речь на встрече Минсвязи республики и администрации города Якутска с операторами связи 15 июня.
18.06.2018 Администрация г.Якутск
Путин призвал не допустить снижения уровня зарплат в регионах - Администрация Правительства и Президента РС(Я) Президент России Владимир Путин заявил, что российские регионы при формировании бюджетов на 2018 год и последующие годы не должны допустить снижения уровня зарплат.
17.06.2018 Администрация Правительства и Президента РС(Я)