«Ыллаа – туой Хаҥалас ыччата» - ырыа күөн – күрэһэ ырыа аргыстаах Хаҥалас сиригэр.

2018 сыл Хаҥалас улууһугар эдэр ыччаттарга улахан тэрээһин буолаары турар. Быйыл сайын араас улуустартан Ыһыах ыһа эдэр ыччат кэлэрэ былааннанар.  Ол тэрээһиҥҥэ бэлэмнэнэн кулун тутар 16 күнүгэр Булгунньахтаах «Дьиэрэй ырыа» култуура киинигэр «Ыллаа – туой Хаҥалас ыччата» ыччаттарга аналлаах ырыа конкуруһа төрдүс төгүлүн үрдүк таһымнаахтык ааста. Конкурус сыала – соруга буолар,  эдэр ыччаты  ырыаҕа угуйуу, айар – талааннаах ыччаты киэҥ эйгэҕэ таһаарыы,     көхтөөх олоххо көҕүлээһин, Хаҥалас ыччата   саха эстрадатыгар тахсарыгар таһымнарын үрдэтии,  улууспут биллэр – көстөр, тумус туттар дьоннорун  билиһиннэрии, үтүө сырдык   ааттарын үйэтитии.Бу куонкурус  Хаҥалас улууһа култуураҕа уонна духуобунай сайдыыга салалтатын  сүрүн специалиһа СӨ култууратын   туйгуна     Наталья  Тимофеевна Федорова бырайыагынан бэрт тэрээһиннээхтик, былааннаахтык киэҥ өйдөбүллээхтик ыытыллар.

Ол курдук бу сылга куонкурус  биһиги биир дойдулаахпыт, Тиит – Арыы  Чыкаалабыттан төрүттээх, Аҕа дойду сэриитин кыттыылааҕа, СӨ норуотун хаһаайыстыбатын  үтүөлээх үлэһитэ, авиация полковнига Федоров Иван Афанасьевич 100 – сылыгар, кини  сырдык кэриэһигэр ананна. Күрэххэ  көхтөөх кыттыыны ыллылар Тит – Арыы, Улахан – Аан, Булгунньахтаах, Бэстээх, Нөмүгү, Өктөм, II -  Дьөппөн  нэһилиэктэрин эдэр ыччата. Күөн – күрэс икки түһүмэҕинэн ааста.  Дьүүллүүр сүбэҕэ  үлэлээтилэр  бэрэссэдээтэл  Покровскай куорат оҕо искусство  оскуолатын    музыкаҕа педагога, улууспут хуорун  хормейстер – дирижера Л.С.Артамонова,  Дьокуускай куораттан, Саха эстрадатыгар биллэр, Аркадий Алексеев  аатынан «Ыллаа эдэр саас”  Республиканскай  ырыа күрэҕин  лауреата, оҕо дыбарыаһын эбии үөрэхтээһин педагога Милена Васильевна  Борисова-Окоемова, Булгунньахтаах оҕо музыкальнай оскуолатын музыкаҕа педагога  К.И.Жиркова - Сергеева , Хаҥалас улууһун “Арчы” норуот айымньытын директора Л.В.Харитонова.

Дьүүллүүр  сүбэ күрэх тэриллиэҕиттэн сыаналыыр буолан күрэх  кыайыылаахтарын инники   сайдыбыт   таһымнарын учуоттаан, бэйэ ырыалаах ыччаты  өйөөн  сыаналаатыбыт. Кырдьык да ыччаттарбыт сайданнар  дьүүлүүргэ күчүмэҕэйдэр бааллар этэ,   ол да буоллар тус бэйэм  кыайыылаахтары сөптөөхтүк  сыаналаан быһаардыбыт   диэн санаалаахпын.

Күөн күрэс түмүгүнэн кыайыылаахтарынан ааттаннылар, 3  степеннээх дипломунан наҕараадаланна  Розалия Бурнашева– Тит – Арыы, 2 степеннээх Майя Свинобоева – 2 Жөппөн, 1  степеннээх Владимир Никифоров – Тит – Арыы.

Лауреаттар 3 степеннээх Алина Алексеева – Улахан – Аан, 2 степеннээх Анна Торохова - Булгунньахтаах, 1 степеннээх Иоган Матвеев – Өктөм.

Грамоталарынан  наҕараадаланнылар    2 миэстэ «Айылгы» кыргыттар ансаамбыллара – Тиит – Арыы.

1 миэстэ “Үрдэл” кыргыттар ансаамбыллара – Булгунньахтаах.

Гран – При кыайыылааҕынан таҕыста Роман Данилов – Улахан – Аан.

Анал ааттар иҥэриниллилэр  «Лучший сценический образ»  Олеся Александрова – 2 Жөппөн,  “Приз зрительских симпатий”  мелодист – хоһоонньут  Вера Платонова ,  «Лучшая патриотическая песня» Денис Куприянов, Сергей Тихонов – 2 Жөппөн,  бу дуэт Н.А.Весвало олохтообут  патриотическай ырыа бирииһин ылыан ылла.

Уоннааҕы үгүс кыттааччылар   сыаналаах сертификаттарынан наҕараадаланнылар.

Куонкурсу иилээн- саҕалаан ыыттылар  Анна Торохова, Эргис Давыдов.

Гала концертка    Милена Борисова ылбаҕай ырыатын ыллаан көрдөрөн, ыччаттарбыт кинини  көрөн, бары тардынан ырыаларын олус иэйэн  туран толордулар, бу күн   Хаҥалас  эдэр ыччаттарыгар анаммыт Гимн сүрэхтэннэ (проект автора, Хаҥалас улууһун эдэр ыччат  политикатын сүрүннүүр специалиһа Айсен Васильевич Федоров),   бу ырыа тылын суруйда Х.П.Горохов – Элгэстэй, мелодиятын  Милена Борисова ,   ырыаны ыччаттар бары өрө көтөҕүллэн туран толордулар иинньэ гынан концерт таһымын олус үрдэттилэр, көрөөччүлэр киэҥ биһирэбиллэрин ыллылар. Экраҥҥа И.А.Федоров олоҕуттан кэпсээн  сырдаттылар. Эҕэрдэҕэ Улуус администрациятын аатыттан тыл эттэ Ханалас улууһун администрациятын аппаратын салайааччыта  Николай Николаевич Федоров  уонна   Милена Борисоваҕа махтал сурук,   өйдөбүнньүк бэлэх, сибэкки дьөрбөтүн туттарда, олохтоох администрация аатыттан эҕэрдэлээтэ  Лидия Георгиевна Алексеева    Военком Николай Адосович Весвало  анал бирииһин үөрүүлээх быыһыга туттарда.

Гала-концерт фейерверынан түмүктэннэ, кыайыылаахтарга өйдөбүнньүк кубоктар, грамоталар, сертификаттар туттарылыннылар.

                Аныгыскы  ырыа бырааһынньыга аны икки сылынан, көһө сылдьар вымпел  быһыытынан,  кайыы өрөгөйүн билбит Роман Данилов  дойдутугар  Улахан – Ааҥҥа ыытыллыаҕа.
                Түмүктүөх иннинэ бу эдэр ыччакка олус улахан суолталаах  тэрээһини  тэрийэн ыытыспыт,  өйөөбүт, спонсордаабыт    бары  кыттылаахтарбытыгар  култуурам салалтатын уонна эдэр ыччат политикатын отделын тэрийэр бөлөҕүн аатыттан барҕа махталбытын тиэрдэбит, инникитин    Хаҥалас ырыа куттаах  эдэр ыччата  ыллыыр таһымнара үрдээтин, кыайыыга дьулуһан үүнэн – сайдан истиннэр, Саха эстрадатыгар саҥа ааттары таһааран, сырдык сулус буоллуннар  уонна  ыччат гимыныгар инникитин  видео – ролик устар  ыра санаалара туолан, өрөгөйбүт үрдээтин, саргыбыт салалыннын диэн алгыс тылынан түмүктүүбүн.

 

 

«Хаҥалас» хаһыат общественнай кэриспэндиэнэ Лидия Харитонова

Ещё новости о событии:

2018 сыл Хаҥалас улууһугар эдэр ыччаттарга улахан тэрээһин буолаары турар.
22:04 20.03.2018 ИА SakhaLife.Ru - Якутск
«Ыллаа – туой Хаҥалас ыччата» - ырыа күөн – күрэһэ ырыа аргыстаах Хаҥалас сиригэр. - Министерство по делам молодежи
2018 сыл Хаҥалас улууһугар эдэр ыччаттарга улахан тэрээһин буолаары турар.
17:30 20.03.2018 Министерство по делам молодежи - Якутск
 
По теме
По поручению прокуратуры республики прокуратура г. Якутска провела проверку по размещенной в сети «Интернет» информации о недостаточном оснащении ГАУ РС (Я) «Поликлиника № 1» медицинскими изделиями.
28 марта состоялась рабочая встреча главы Якутии с ректором АНО "Университет Национальной технологической инициативы 2035", генеральным директором Фонда поддержки проектов Национальной технологической инициативы Вадимом Медведевым,
ГТРК Саха
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru