Дойду хааһынатыттан төһө көмө үбү ылабытый?

Тыа хаһаайыстыбатыгар үөһэттэн өйөбүл оҥоһуллар. Федеральнай бүддьүөттэн сыл аайы 1,5 млрд солк. кэриҥэ үп тиксэриллэр. Ону сорохтор, кутуйах оҕото түүлэннэҕинэ тоҥоругар дылы, мыыналлар. Ити өссө биһиги өрөспүүбүлүкэбит көбүччү угар уонна федеральнай таһымҥа итэҕэтиилээхтик көмүскүүр буолан, кыттыгас үп быһыытынан харгыһа суох кэлэ турар. Мантан аллара, мунааҕа суох буоларын туһуттан, хайысхаларынан, салааларынан ыйан уонна кэлиҥҥи 6 сылы ойуччу ылан көрдөрүөхпүт.

Ким үлэлиири өйүүллэр

Инньэ диирим олохтоох. Өскөтүн, өрөспүүбүлүкэ тыа хаһаайыстыбатын сайыннарыыга уонна тыа хаһаайыстыбатын бородууксуйатын, сырьетун, аһын-үөлүн ырыынактарын сүрүннээһиҥҥэ ылыммыт бырагырааматын дьаһалларын кыттыгас үбүлээһиҥҥэ федеральнай бүддьүөттэн 2012 с. 861 мөл. 407 тыһ. солк. кээмэйдээх үп кэлбит буоллаҕына, кэлиҥҥи икки сылга икки бүк эбилиннэ (2016 – 1 млрд 605 мөл. 807,17 тыһ., 2017 – 1 млрд 405 мөл. 608,28 тыһ. солк.).  Мантан сыччах тыа хаһаайыстыбатын үлэтин өйөөһүҥҥэ бэриллэр кээмэй 947 мөл. 454 тыһ. солкуобайга тиийэ сылдьыбыта (2016 с.). Былырыын бу көрдөрүү 598 мөл. 976,18 тыһ. солк. тэҥнэстэ. Ону үп-харчы татымынан уонна сорох түгэҥҥэ бэйэбит үлэҕэ-хамнаска кэдэйэн биэрэрбитинэн быһаарыахха сөп буолуо.

Холобур, сир үлэтигэр 2012 с. 295 мөл. 64 тыһ. солк. ыла сылдьыбыт буоллахпытына, сыл ахсын кыччаан-сарбыллан, былырыын 37,7 мөлүйүөҥҥэ диэри түстэ. Ол оннугар сүөһүнү иитии салаатыгар бэриллэр субсидия 94,5 мөлүйүөнтэн 288,5 мөлүйүөҥҥэ тиийэ улаатта. АПК-ы сайыннарыыга ылыллыбыт кирэдьиит (иэс) бырыһыанын толуйууга көрүллэр субсидия эбиллиэхтээҕэр эмиэ көҕүрээбитигэр бэйэбит буруйдаахпыт: 68 мөлүйүөнтэн 23 мөлүйүөҥҥэ “төкүнүйдүбүт”. Кэлиҥҥи икки сылга АПК эбийиэктэрин тутуу уонна тиэхиньикэ-тэрил атыылаһыы ороскуотун сорҕотун толуйууга үөһэттэн үп көрүллэр буолла. Ол курдук, ааспыт сылга 162 мөл. 867,2 тыһ. солк. кээмэйдээх субсидия улуустарга улахан хаһаайыстыбалар туттубут 12 хотоннорун ороскуотун 98,5 бырыһыанын толуйууга туттулунна. Маннык сэниэлээх өйөбүл хаһан даҕаны оҥоһулла илигэ. Ону тэҥэ, Дьокуускай аттынааҕы Тулагы Сыырдааҕар дьоппуон тэпилииссэтигэр 3 мөл. солк. бэриллибит.

Ити үөһэ ыйыллыбыты таһынан, сүөһүнү иитии салаата бааһынай хаһаайыстыбалар нөҥүө өйөнүллэр буолбутун саха бааһынайдара эттэринэн-тириилэринэн билбиттэригэр саарбахтаабаппын. Уһук Илиҥҥэ биһиэхэ чугасаһар субъект суоҕа чуолкай, киин уобаластарга даҕаны аҕыйах дииллэр. Ол курдук, саҥа үлэлээн эрэр фермердэргэ өйөбүл 2016 с. муҥутаан 306 мөл. 385 тыһ., оттон эмиэ ити сыл дьиэ кэргэн сүөһү иитэр фермаларын сайыннарыыга 186 мөл. 830 тыһ. солкуобайга тиийэ сылдьыбыта. Хомойуох иһин, эрдэ эппитим курдук, хааһына үбэ чарааһаан, ааспыт сылга тустааҕынан 43 мөл. 942,1 тыһ. уонна 23 мөл. 84,2 тыһ. солк. кээмэйдээх көмө үп тиксэрилиннэ. Босхоҕо үөрэммиччэ, хата, мыынабыт.

Дьиҥэр, баҕалаах билигин даҕаны баһаам ээ. “Саҥа саҕалааччылар” сайдан-үүнэн, хаһаайыстыбаларын кэҥэтиэхтэрин-улаатыннарыахтарын баҕараллара бааламмат. Иккис түһүмэҕинэн кинилэр аныгылыы толору механизациялаах хотон туттарга туруналларын тэрийиэх тустаахпыт. Өрөспүүбүлүкэ бэйэтин өттүттэн күттүөннээх көмө оҥоһуллар буолан, 2012 —  2017 сылларга  23 улууска 175 бааһынай хаһаайыстыбата грант ылан, билиҥҥи туругунан, 155 хотон тутуллан үлэлии турар. Онон, кэлиҥҥи сылларга ынах сүөһүбүт ахсаана бигэтийбитигэр, өссө ааспыт 2017 сыл түмүгүнэн 2 тыһ. кэриҥэ төбөнөн эбиллибитигэр судаарыстыба өйөбүлэ чахчы тирэх буолбутун бэлиэтиир сиэрдээх.

Тыа хаһаайыстыбатын потребительскай кэпэрэтииптэрэ материальнай-техническэй базаларын бөҕөргөтөллөрүн өйөөһүҥҥэ кэлиҥҥи үс сылга грант үбэ кэлэр. Ол курдук, икки бастакы сыл 38-тыы мөлүйүөн кэлэн баран, ааспыт сылга икки бүк кыччаата. Маны таһынан, бааһынай хаһаайыстыбалар (ИП-лары киллэрэн туран) сир учаастагын бас билиигэ оҥорторор ороскуоттарын толуйууга 2012 с. 5 мөл. 382 тыһ., 2014 с. 1 мөл. 84,74 тыһ. солк. көмө харчы көрүллэ сылдьыбыта. Бу хайысхаҕа бааһынайдар күүскэ ылсыбыттара эбитэ буоллар, үбүлээһин кээмэйэ өссө улаатыахтаах уонна салҕаныахтаах этэ. Өлүөнэ сүнньүгэр олорор нэһилиэктэр хаһаайыстыбалара халаан содулуттан оһоруналларыгар 2013 с. 101 мөл. 772 тыһ. солк. көмө оҥоһуллубутун үгүстэр умнубут буолуохтаахтар.

Тыа хаһаайыстыбатын сирин-уотун тупсарыыга туһуламмыт федеральнай бырагырааманан 2014 с. саҕалаан, кыра да буоллар, үп көрүллэрин мэлдьэһэр табыллыбат: 5 мөлүйүөнтэн саҕалаан 23 мөл. 177,8 тыһ. солкуобайга тиийдэ. Баҕа силэ байҕалга эмтээх. Табан туһаннахха, көдьүүһэ улахан буолуо.

Уу ситимэ, гаас оттук

Тыа сирин сайыннарыы туһунан илиим чэрдийиэр диэри суруйан-сырдатан кэллэҕим. Тыа сирин олоҕун-дьаһаҕын сайыннарыыга туһуламмыт федеральнай бырагыраама 2013 с. диэри, уон сылы быһа, үлэлээбитэ. Онтон “Тыа сирин 2014 – 2017 сс. уонна 2020 с. диэри кэмҥэ бигэтик сайыннарыы” диэн ааттанан, салгыы үлэлии турар. Ама, ким мэлдьэһиэй – гаас оттук киирбит, сайыҥҥы уу ситимэ тардыллыбыт бөһүөлэктэригэр ыаллар оһоххо хамначчыттыыллара уурайбытын, бэйэ үүннэрэр хортуоппуйа-хаппыыстата минньигэһин, оҕуруот-сад дэлэйбитин, олох-дьаһах чэпчээбитин-тупсубутун. Тыа хаһаайыстыбатын уонна ас-үөл бэлиитикэтин миниистирин солбуйааччы, бу хайысхаҕа үлэлиир департамены уһун кэмҥэ салайан кэлбит Николай Петров бигэргэтэринэн, 2003 сылтан саҕалаан 116 бөһүөлэк сайыҥҥы уу ситиминэн хааччылынна, ол иһигэр 2014 сылтан сыл аайы 6-7 эбийиэк тутуллан үлэҕэ киирэр. Эмиэ түөрт сыл иһигэр 9 бөһүөлэк ыаллара гаас оттукка холбоннулар. Маны тэҥэ, саҥа бырагыраама үлэлээбит түөрт сылыгар 7 ФАП тутулунна. Тыа сиригэр саҥа балыыһ а олоххо киириитэ —  эдэриттэн-эмэниттэн тутулуга суох, дьон барыларын кыһалҕатын таарыйарынан, тыын суолталаах.

Тыа сиригэр кэтэх олорор дьиэни тутууга Саха сирэ мэлдьи инники күөҥҥэ сылдьар. Өрөспүүбүлүкэ ылыммыт кээмэйин хайаан даҕаны толорор. Сыл ахсын ортотунан 400-түү дьиэ тутуллан киирэр. Бу үксэ – тыа сиригэр олорор-үлэлиир эдэр исписэлиистэр, эдэр ыаллар. Киһи кэрэхсиирэ баар, аныгы дьон кэлиҥҥи кэмҥэ көмөнү туһанан тупсаҕай, толору хааччыллыылаах туттарга-оҥосторго дьулуһар буоллулар. Тыа хаһаайыстыбатын салаатыгар үлэлиир дьон уочаракка урутатан, чорбоччу тутуллаллара сөптөөх.

Өссө агрокластерынан олохсуйбут саҥа дьиэлэрдээх түөлбэлэр үөскээн эрэллэрэ тыа сирэ инникилээҕин туоһулуур. Бырагыраама иһинэн чөкө түөлбэлээн кэлимник тутуу хайысхата биһиги өрөспүүбүлүкэбитигэр ситиһиилээхтик киллэриллэр. Өссө бырагыраама 2013 с. диэри үлэлээбит бастакы түһүмэҕин саҕана Хаҥалас Нөмүгүтүгэр, Нам I Хомустааҕар итинник саҥа түөлбэлэр тутуллубуттара. Бырагыраама иккис түһүмэҕэр үп анаан көрүллэринэн, 2014 сылтан бэттэх Ороссолуодаҕа (Мэҥэ Хаҥалас), Ытык Күөлгэ (Таатта), Мугудайга (Чурапчы), Аппааныга (Нам), Антоновкаҕа (Ньурба) аныгылыы тииптээх бүтүн бөһүөлэктэр, ардах кэннинээҕи тэллэй курдук, сыл ахсын эбиллэ-үүнэ тураллара үөрдэр. Быйыл Сунтаар сэлиэнньэтигэр уонна Мэҥэ Хаҥалас Харатыгар тутууга үп көрүлүннэ.

Туох кистэлэ кэлиэй, айан-сырыы суоллаах бөһүөлэктэрбит сайын тураҥ буорга көмүллэн хаалаллар. Ол иһин, таҥас сууйан ыйаатаххына, сууйуоҥ иннинээҕэр кирдээх буолар. Хаһааҥҥа диэри буорбутугар-быылбытыгар буккуллан олоруохпутуй. Бөһүөлэктэр санитарнай-экологическай туруктарын тупсарар туһуттан бырагыраамаҕа киллэрэн, үс сылтан бэттэх тыа сирин нэһилиэнньэлээх пууннарыгар дьон-сэргэ үгүстүк сылдьар-тоҕуоруһар сирдэригэр итиэннэ тыа хаһаайыстыбатын бородууксуйатын астыыр-таҥастыыр эбийиэктэргэ тиэрдэр массыына суолларын аспааллааһыҥҥа анаан үп (2015 – 32 мөл. 321,40 тыһ., 2016 – 261 мөл. 41,9 тыһ., 2017 – 234 мөл. 207,1 тыһ. солк.) көрүллэр буолла. Инньэ гынан, улуустар кииннэрин, улахан бөһүөлэктэр киирэр-тахсар суолларыттан үлэ саҕаланна. Холобур, Хотун Төҥүлү сайын салгынныын ырааһыран, күөх кэнчээринэн көрсөрө көрүөххэ дьикти. Бу үлэни Тыа хаһаайыстыбатын министиэристибэтин сакааһынан Суол уонна көлө министиэристибэтэ сүрүннүүр. Салгыы маннык кытыы, кыра нэһилиэктэр бөһүөлэктэригэр киирэн истэр бэрт этэ.

Василий НИКИФОРОВ.

 
По теме
Сунтаар бастыҥ ыанньыксыта ыйга 140-ча тыһ. солк. хамнаһы аахсар - Министерство сельского хозяйства             Ынах сүөһүнү иитэр улахан уонна орто кээмэйдээх хаһаайыстыбалары үп-харчы өттүнэн чэбдигирдиигэ туһуламмыт бырагыраама иккис сүрүн соруга – үлэһиттэр хамнастарын үрдэтэн, үлэҕэ көҕүлээһин.
01.02.2018
О Кондратьеве Э.В.   Освободить Кондратьева Эдуарда Владимировича от должности заместителя министра образования и науки Республики Саха (Якутия) в связи с истечением срока служебного контракта.
26.09.2018
 
«Справедливая Россия» готова обновить руководство парламента Якутии - ИА SakhaLife.Ru Сегодня депутатская фракция «Справедливая Россия» в Государственном Собрании Республики Саха (Якутия) Ил Тумэн уведомила организационный комитет по подготовке и проведению первого пленарного заседания парламента нового с
25.09.2018
 
О Семенове А.М.   Освободить Семенова Афанасия Михайловича от исполнения обязанностей заместителя министра сельского хозяйства Республики Саха (Якутия) в связи с истечением срока служебного контракта.
26.09.2018
В окончательном чтении принят закон о социальной поддержке ветеранов тыла и ветеранов труда в Якутии - Государственное Собрание РС(Я) Народные депутаты Государственного Собрания (Ил Тумэн) Республики Саха (Якутия) 26 сентября 2018 года рассмотрели в первом чтении проект республиканского закона « О внесении изменений в Закон Республики Саха (Якутия) «О
26.09.2018
В Якутии задержан мужчина, подозреваемый в убийстве женщины на почве ревности - Следственный комитет фото с места происшествия Следственным отделом по г. Нерюнгри СУ СК России по Республике Саха (Якутия) возбуждено уголовное дело в отношении 58-летнего жителя села Иенгра по признакам состава преступления,
25.09.2018 Следственный комитет
В Якутск доставили подозреваемого в тяжком преступлении, который скрывался от следствия в охотничьей избушке - ИА SakhaLife.Ru В ходе рейдовых мероприятий, организованным Росгвардией по охотничьим угодьям Кобяйскього и Жиганского районов, в Якутск доставлен разыскиваемый 26-летний молодой человек,
26.09.2018 ИА SakhaLife.Ru
«Справедливая Россия» готова обновить руководство парламента Якутии - ИА SakhaLife.Ru Сегодня депутатская фракция «Справедливая Россия» в Государственном Собрании Республики Саха (Якутия) Ил Тумэн уведомила организационный комитет по подготовке и проведению первого пленарного заседания парламента нового с
25.09.2018 ИА SakhaLife.Ru
Душевный вечер песни монгольской звезды Сарантуяа-Саары в Якутске - ИА SakhaLife.Ru 24 сентября в Саха академическом театре им. П.А. Ойунского состоялся долгожданный Гала концерт заслуженной артистки Монголии, обладательницы Гран-при Международного конкурса “Голос Азии”,
26.09.2018 ИА SakhaLife.Ru
Выставка «Драгоценный камень Якутского балета» - ИА SakhaLife.Ru 2 октября 2018 г. в 15.00 ч. в Музее музыки и фольклора народов Якутии состоится открытие выставки «Драгоценный камень Якутского балета» ,посвященной одной из первых якутских выпускниц Новосибирского хореографического училища,
26.09.2018 ИА SakhaLife.Ru
Молодежный блок Окружной администрации, управлений округов 23 августа вышел на субботник на территории села Владимировка, где ко Дню города Якутска открывается новый арт-объект «Священный табун мифических лошадей».
31.08.2018 Эхо столицы
Победа нерюнгринских ветеранов - Nerungri.Ru 22 сентября в Тынде прошёл открытый традиционный турнир по мини-футболу среди ветеранов, посвященный памяти Алексея Кузьмина.
25.09.2018 Nerungri.Ru
Вот уже около полугода в нашей республике  люди разных возрастов и возможностей играют, осваивают, соревнуются и становятся победителями турниров по новому виду спорта - настольным спортивным играм.
30.08.2018 Эхо столицы
О Кондратьеве Э.В.   Освободить Кондратьева Эдуарда Владимировича от должности заместителя министра образования и науки Республики Саха (Якутия) в связи с истечением срока служебного контракта.
26.09.2018 Администрация Правительства и Президента РС(Я)
«Справедливая Россия» готова обновить руководство парламента Якутии - ИА SakhaLife.Ru Сегодня депутатская фракция «Справедливая Россия» в Государственном Собрании Республики Саха (Якутия) Ил Тумэн уведомила организационный комитет по подготовке и проведению первого пленарного заседания парламента нового с
25.09.2018 ИА SakhaLife.Ru
Энергетики Центральных электрических сетей Якутскэнерго проводят плановый капитальный ремонт высоковольтной воздушной линии электропередачи 110 кВ Л-120 «Эльдикан – Солнечный» в Усть-Майском районе.
26.09.2018 Администрация Правительства и Президента РС(Я)
По результатам мероприятий по радиоконтролю, проведенных Управлением по Республике Саха (Якутия) филиала ФГУП «Главный радиочастотный центр» в Дальневосточном федеральном округе, выявлены радиоэлектронные средства,
26.09.2018 Роскомнадзор