Хаһаайыстыбалар кыстыгы этэҥҥэ туоруохпут диэн эрэнэллэр

Кыһарҕаннаах кыстык ааhан эрэрин бары да билэн олоробут. Ол курдук илин эҥээргэ хаар чарааһыттан, Бүлүү сүнньүгэр уонна хоту оройуоннарга хаар халыҥыттан сылгыга ыарахан кыстык сатыылаата.  Ханна да буоларын курдук, кыстык устата от боппуруоhа сытыытык тура сырытта.  Оттооhун былаана туолбута эрээри, от тиийбэт… Ол сүрүн төрүөтэ – сылгы хаhыыта уустугуран, бу күҥҥэ 82 140 сылгы (ол эбэтэр сылгы уопсай ахсааныттан 45,1%) эбии аhатыыга киирбитэ    (холобура, былырыын баччаҕа 52 457 сылгы этэ), маны таhынан быйыл ынах-сүөhү уонна сылгы ахсаана эбиллиитэ буолар (тохсунньу ыйга ынах сүөһү — 1898 төбөнөн, сылгы – 2 384 төбөнөн).

Тыа хаһаайыстыбатын уонна ас-үөл бэлиитикэтин министиэристибэтэ ынах сүөһү, сылгы кыстыгын хаамыытын хонтуруоллуур-тэрийэр анал оперативнай сүбэлэҥ (штаб) мунньаҕа нэдиэлэ ахсын ыытыллар. Маныаха министиэристибэ кыстык туруктаах буоларын хааччыйар туһуттан улуустар истэригэр уонна икки ардыларыгар оту тиэйиини сүрүннэһэ олорор. Быйылгы кыстыкка отторо тиийбэт хаһаайыстыбаларга оту тиэйии үлэтэ номнуо сэтинньи ыйтан саҕаламмыта.

Ол курдук муус устар 5 күнүгэр 14 улууска уонна Дьокуускай куоракка 16  061 туонна от тиэйиллэрэ былааннаммытыттан 84 бырыһыана (13  550 туонна) миэстэтигэр тиксэриллибит. Мантан 8302 туонната улуус таһыттан, 7758 туонната улуус иһигэр нэһилиэктэр икки ардыларыгар тиэйиллэр. Тиэйии ороскуота барыларыгар толуйуллар буолбатах: сайыҥҥыттан-күһүҥҥүттэн күчүмэҕэй балаһыанньаламмыт улуустарга, нэһилиэктэргэ эрэ көмө оҥоһуллар. Ити курдук атын улуустан 5257 туонна, нэһилиэктэн нэһилиэккэ 6160 туонна оту тиэйии ороскуотун толуйууга ылынна.

Тыа хаһаайыстыбатын уонна ас-үөл бэлиитикэтин министиэристибэтэ ынах сүөһү, сылгы кыстыгын хаамыытын хонтуруоллуур-тэрийэр анал оперативнай сүбэлэҥ мунньахтырын быhаарыытынан Өрөспүүбүлүкэ бюджетыттан күһүн кыстык саҕаланарыгар 8 840 туонна оту тиэйии ороскуотугар бюджеттан көмө оҥорорго ылыммыт эбит буоллаҕына, күн бэҕэһээ ол кээмэйэ 12  872 туонна от, 2431 туонна эбиэс тиэйиитигэр көмө көрүллүүтүн ситистэ.

                              Эрдэ от атыылыыр санаалаах сорох хаһаайыстыбалар сылгы күһүҥҥүттэн эбии аһылыкка киирэн, ынах сүөһүлүүн тэҥҥэ асаһа турарын иһин, ааҕынан-суоттанан баран, атыыттан аккаастаннылар.

Күн бүгүн Амур, Магадан уобаластарыттан от атыылаһан тиэйии үлэтэ бара турар

                              Өрөспүүбүлүкэ таһыттан барыта 1340 туонна от, итинтэн 646 туонната Магадантан, 421 туонната Амуртан, атыылаһарга кэпсэтии ыытыллыбыта. Ити уопсай ахсааҥҥа сыл аайы Амуртан от атыылаһар Нерюнгри оройуонун 273 туонната эмиэ киирэн сылдьар. Нам улууһун 10-ча бааһынай хаһаайыстыбата уонна “Дайар”, “Силис” кэпэрэтииптэр холбоон 445 туонна оту Магадантан, Уус Алдан хаһаайыстыбалара Амуртан 220 туонна, Хаҥалас улууһун “Самартай” ТХПК-э Амуртан оту    атыыластылар. “Сахаплемхолбоһук” ААУо Магадантан атыыласпыт 100 туонна отуттан 85 туонната бу күннэргэ кыбыыны булла.

Тыа хаhаайыстыбатын министиэристибэтэ урут маннааҕар уустук дьыллары туораан кэллэ. Ол курдук, 2012-2013 сс. кыстыкка 70446 туонна, ити эһиилигэр 36,5 тыһ. туонна от тиэйиллибитэ. Арыый халымыр ороскуоттаах 2015-2016 сс. кыстыкка 2543 туонна оту тиэйиигэ көмө оҥоһуллубут. Оттон былырыыҥҥы халыҥ хаардаах күчүмэҕэй дьылга - 17412 туонна оту, 2729 туонна эбиэһи уонна 1581 туонна уотурбаны тиэйиигэ.

  Ситэрэн эттэххэ, сылгылаах хаһаайыстыбалары эбиэс бурдугунан хааччыйыыга сэттэ оператор үлэлиир. Быйылгы ыарахан кыстыкка 2431 туонна эбиэһи миэстэтигэр тиэрдиигэ толуйуу көрүллүбүтүттэн 2023 туоннатын хаһаайыстыбалар атыылаһан тиэйтэрбиттэр. Ыскылааттарга атыыга анаан өссө 500 туонна туорах бурдук хараллан сытар.

Ха h аайыстыбалар  дьыл уһаабатаҕына кыстыгы этэҥҥэ туоруохпут диэн олороллор

«Бөртө»  хаhаайыстыба  салайааччыта  А.В.  Павлов : “ Билигин    ха hаайыстыбабытыгар  700-тэнтахсасүөһүлээхпит,  онтон  244-дэ  ыанар  ынах.  Күнбүгүн  230  ынах  төрөөн  турар.  Маны таhынан 1033 сылгылаахпыт. Чахчы, быйыл сылгыга ыарахан кыстык буолла, сылгы хаhыыта уустугуран, былааннаабыт оппут тиийбэт туруктаах олордохпутуна көмө бириэмэтигэр түргэнник оҥоhуллан, өссө тиэллэн кэлбитигэр тыа хаh аайыстыбатын министиэристибэтигэр махталбыт мунура суох» , - диир.

Өскөтүн былырыын хаhаайыстыба 200 туонна эбии от атыыласпыт эбит буоллаҕына, быйыл 700 туонна эбии от ылбыт.

« Мин былырыын күhүҥҥүттэн сыарҕа үрдүгэр олоробун.  Ол курдук Тааттаттан 200 туонна, Өлүөхүмэттэн 70 туонна, Ньурбаттан 30 туонна оту «Туймаада-Агроснаб» тэрилтэ нөҥүө тиэйдибит. Оттон оройуон иhиттэн - Хачыкааттан уонна Нөмүгү тыатыттан 100 туонна оту атыыластыбыт. От боппуруоhа ханна да уустук курдук. Быйыл 200 туонна оту улуус көмөлөстө. Маны таhынан Беркакиттан 130 туонна эбии аhылык (комбикорм) тиэйдибит, күн бүгүн 130 туонна эбиэспит кэллэ. Аны бу куннэргэ Амур уобалаhыттан 30 туонна оппут кэлиэхтээх. Бу тиэллэн иhэр оппут айанын ороскуотун 100 бырыhыан Тыа хаh аайыстыбатын миниэстэристибэтэ уйунна » - диэн кэпсиир хаhаайыстыба салайааччыта. Онон «Бөртө» хаhаайыстыба кыстыгы этэҥҥэ туораан иhэрин эттэ уонна Тыа хаhаайыстыбатын министиэристибэтин салалтатыгар махталын тиэрдэр.

Намнар быйылгы кыстыгы туоруурга 1581 туонна от эбии атыылаhаллар, ол онтон    бүгүҥҥү    туругунан 69 бырыhыана, ол эбэтэр 1096 туонна улууска кэллэ. Ол курдук илин эҥэр улуустартан (Мэнэ Ханалас, Уус Алдан, Таатта) уопсайа 265 туонна от атыыластылар. Оттон ыаллыы сытар Кэбээйиттэн – 492 туонна оту, Сунтаартан 83 туонна уонна Магадан уобалаhыттан 181, 7 туонна от тиэлиннэ. Бу күннэргэ бүтэhик айан суолун баттаhа Магадантан 263,3 туонна от тиэллэн кэлэрин    күүтэллэр.

Тустаах хаhаайыстыбалар от тиэллиитин тэтимэ халлаантан быhаччы тутулуктааҕын өйдүүллэр – бу соторутааҕыта хас да күнү быhа атахтаабыт силлиэ-буурҕа айан суолун уустугурда сырытта. Намнар бу хаалбыт оппут бириэмэтигэр тиэллэн кэллэҕинэ этэҥҥэ кыстыгы ааhыахпыт диэн эрэллээхтэр.

Оттон 1 Хомустаахха "Дайар" кээпэрэтиипкэ от барыта тиэллэн кэлбит.    Бэрэссэдээтэл С.И. Кривошапкин кэпсииринэн, быйылгы кыстыкка эбии 29 туонна оту    Магадан уобалаhыттан ылбыттар. Манна от тиэйиитин ороскуотун 65 бырыhыанын Тыа хаhаайыстыбатын министиэристибэтэ уйунан, хаhаайыстыбаларга олус улахан күүс-көмө буолла диэн бэлиэтииллэр. Онон бу бириэмэтигэр көрүллүбүт тустаах көмө, дьыл уhаабатаҕына, кыстыгы этэҥҥэ туоратыа дииллэр.

Тыа хаһаайыстыбатын уонна аска-үөлгэ бэлиитикэтин министиэристибэтин пресс-сулууспата.

 

 

 

Ещё новости о событии:

Кыһарҕаннаах кыстык ааhан эрэрин бары да билэн олоробут. Ол курдук илин эҥээргэ хаар чарааһыттан, Бүлүү сүнньүгэр уонна хоту оройуоннарга хаар халыҥыттан сылгыга ыарахан кыстык сатыылаата.
12:32 09.04.2018 Департамент ветеринарии РС(Я) - Якутск
Хаһаайыстыбалар кыстыгы этэҥҥэ туоруохпут диэн эрэнэллэр - Министерство сельского хозяйства
Кыһарҕаннаах кыстык ааhан эрэрин бары да билэн олоробут. Ол курдук илин эҥээргэ хаар чарааһыттан, Бүлүү сүнньүгэр уонна хоту оройуоннарга хаар халыҥыттан сылгыга ыарахан кыстык сатыылаата.
12:03 09.04.2018 Министерство сельского хозяйства - Якутск
 
По теме
О прекращении движения транспорта по улице Набережная в Якутске В связи с осуществлением реконструкции улицы Набережная – 1 этап и в целях обеспечения безопасности дорожного движения будет прекращено движение транспор
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)