Элгээйигэ муус аннынан күөгүлээтилэр

DSC_0538
Элгээйигэ муус аннынан күөгүлээтилэр
Элгээйигэ муус аннынан күөгүлээтилэр
DSC_0532
DSC_0518
DSC_0523
DSC_0534
DSC_0536
DSC_0517
DSC_0537
DSC_0543
Фото: ysia.ru

Сунтаар улууһугар, Элгээйигэ, Күндээйкэ үрэҕин төрдүгэр муус аннынан күөгүлээһин күрэҕэ аан бастакытын тэрилиннэ.

Күрэскэ «Эрэл», «Фортуна», «Удача», «Чемпионы» уонна «Айдаар» хамаандалар кытыннылар. Күрэхтэһиигэ икки чаас устата буурунан ойбон дьөлө-дьөлө күөгүлэринэн оонньоттулар. Маныаха дьыл кэмэ уларыйа турарынан уонна үрэх төрдүгэр улугура сытар чүөмпэлэри таба тайаммакка, бэриллибит учаастакка байанайдара кыраны бэристэ. Ол да буоллар, күөн күрэс олус көхтөөхтүк, сэргэхтик барда.

«Удача» хамаанда биир төһүү киһитэ Александр Максимов маҥнайгынан балык туттаран, анал номинацияҕа тиксэн үөрүү-көтүү буолла. Эмиэ ити хамаанда чилиэнэ, соҕотох кэрэ аҥара Светлана Яковлева, саамай улахан балыгы — алыһары хаптарда.

Уопсай балык ыйааһынын кэнниттэн буурунун түргэнник дьөлүү күрэҕэр сэттэ бөҕөс боруобаланан көрдө. Манна биир мүнүүтэ биэс сөкүүндэ көрдөрүүлээх Дмитрий Иванов («Эрэл» хамаанда) бастакынан дьөлөн кыайыыны ситиһэн, дьонун-сэргэтин хайҕалын ылла.

Түмүккэ бүттүүн хамаанданан миэстэлэр бу курдук таҕыстылар:

Үһүс миэстэни ылбыт «Чемпионы» диэн оскуола оҕолорун хамаандалара балыксыт анал иһитинэн наҕараадаланан доҕотторун эҕэрдэлэрин туттулар.

Иккис миэстэҕэ тахсыбыт «Фортуна» ( Сергей Ефремов хамаандата) балаакка бэлэх ылан үөрүү-көтүү үктэллэннилэр.

Бастакы миэстэни  ылбыт «Удача», ОДьКХ үлэһиттэрин хамаандата кыайыы өрөгөйүн биллилэр уонна сүрүн спонсор Семен Попов туруорбут бирииһин — ледобуру ыллылар.

Дохсун ытыс тыаһыгар анал номинациялар туттарылыннылар. Саамай эдэр балыксыт — Вилена Поротова («Эрэл» хамаанда). Саамай саастаах балыксыт — Григорий Никифоров («Айдаар» хамаанда). «Кэскиллээх балыксыттар» – оскуола оҕолоро («Чемпионы» хамаанда) Дмитрий Дмитриев туруорбут бирииһин туттулар. «Көхтөөх көрөөччү уонна ыалдьааччы» анал номинацияҕа ОДьКХ тэрилтэтэ, Альбина Романова туруорбут бирииһин Владимир Яковлевка туттарда. Манна даҕатан эттэххэ, бу нэһилиэк тэрилтэлэрэ ханнык баҕарар күрэхтэһиигэ, тэрээһиҥҥэ бэйэлэрин үлэһиттэрин олус өйүүллэрэ  хайҕаллаах. Ол курдук ОДьКХ тэрилтэтэ, салайааччы Романова Альбина Александровна , айылҕа харыстабылын мусуойун дириэктэрэ Иванова Анна Серафимовна , о.д.а. күөн күрэһи көҕүлээн уонна үлэһиттэригэр ис сүрэхтэриттэн бары үтүөнү баҕаран туран бэлэхтэри туттартаабыттарыттан бары да улаханнык үөрдүбүт.

Түгэнинэн туһанан, Элгээйи нэһилиэнньэтигэр, балыксыттарга улаханнык көмөлөспүт, Күндээйкэҕэ бу дьылы быһа суолу анньан биэрбит Захаров Александр Васильевичка уонна бу кэлин күрдьүбүт Иванов Анатолий Потаповичка , спонсордарбытыгар уонна көҕүлээбит тэрилтэлэргэ улахан махталбытын тиэрдэбит!

1 из 11
О конференции противопожарных служб субъектов Российской Федерации в области обеспечения пожарной безопасности - МЧС Республике Саха (Якутия) Перспективы развития противопожарных служб различных регионов страны в вопросах обеспечения пожарной безопасности, основные направления деятельности для снижения смертности и ущерба на пожарах,
МЧС Республике Саха (Якутия)
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
Фотофакт: Историк Пантелеймон Петров на открытии выставки со своей первой учительницей - ИА SakhaLife.Ru Кандидат исторических наук Пантелеймон ПЕТРОВ со своей первой учительницей Варварой Сергеевной ЗВЕРЕВОЙ на открытии своей выставки, посвященной 75-летию учёного, эксперта по истории города Якутска.
ИА SakhaLife.Ru
В Якутске состоялся I Открытый конкурс исполнителей на кылыһах кырыымпе - Министерство культуры        28 марта с.г. состоялся I Открытый конкурс исполнителей на кылыһах-кырыымпе, посвящённый 10-летию ансамбля якутских инструментов "КЫЛ САХА" Национального театра танца РС (Я) им.
Министерство культуры