Новости города БезФормата.Ru
Якутск
Главные новости
 
Задать вопрос?

Дьокуускайга аhымал кэнсиэр буолла

Дьокуускайга аhымал кэнсиэр буолла - ИА SakhaLife.Ru
Дьокуускайга аhымал кэнсиэр буолла - ИА SakhaLife.Ru
Дьокуускайга аhымал кэнсиэр буолла - ИА SakhaLife.Ru
Дьокуускайга аhымал кэнсиэр буолла - ИА SakhaLife.Ru
Дьокуускайга аhымал кэнсиэр буолла - ИА SakhaLife.Ru
Фото: sakhalife.ru

Бэһэҕээ, муус устар 19 күнүгэр «Үтүө санаа кыната» диэн Саха Өрөспүүбүлүкэтин туйгуннара Сергей Зверев – Кыыл Уола аатынан Саха Үҥкүүтүн тыйаатырын артыыската Саргылана уонна «Туймаада» Государственнай ырыа ансаамбыл тутаах солиһа Андрей ТАРАБУКИННАР дьиэ кэргэннэригэр кэлбит олох моһолун этэҥҥэ туоруулларыгар өйөбүл кэнсиэр буолан ааста. Санатан этэр буоллахха олунньу 14 күнүгэр Тарабукиннар олорор дьиэлэрэ баһаарга былдьанан, үс уол оҕолоох ыал сир-халлаан икки ардыгар турбутунан хаалбыттара… Айыы киһитэ аһыныгас, күн киһитэ көмүскэс диэн мээнэҕэ эппэттэр. Кэнсиэргэ дьон сэргэ тоҕуоруһа мустубуттар.

Өйөбүл кэнсиэр программата киэҥ – куоҥ, баай ис хоһоонноох. Икки Аан дойдуга биллибит, дьон-сэргэ кутун туппут, биһирэбилин ылбыт биллиилээх кэлэктииптэр ырыа – тойук, үҥкүү-битии ыһыаҕын ыстылар. Аһымал кэнсиэри Николай ПЕТРОВ салайааччылаах Саха инструменнарын аркыастыра доҕуһуолунан «Туймаада» ансаамбыл кыргыттара норуокка киэҥник биллибит «Киэһээҥҥи ырыа», «Амсат эрэ дьэдьэҥҥиттэн» ырыалары ыллаан толордулар. Үҥкүүһүттэр «Лунная ночь», «Весёлые ковбои» диэн уруккуттан сөбүлээн толорор үҥкүүлэрин күргүөмнээхтик, үөрэ-көтө толордулар. «Туймаада» ансаамбыл солистара Лина АКИМОВА, Николай РОББЕК, Аида ИВАНОВА, Илья НИКОЛАЕВ, Мария МАКСИМОВА кэрэ куоластарынан, дьон уоһуттан түспэт ырыалары көрөөччүлэргэ бэлэхтээн, дьон биһирэбилин ылыахтарын ыллылар. Кэнсиэргэ Саргылана уонна Андрей доҕор – атас дьонноро эрэ буолбакка өссө кинилэр оҕолорун доҕотторо кытыннылар. Ол курдук, олус кэрэхсэбиллээх үтүө санаа. Гимназия үөрэнээччилэрин өттүттэн Анастасия Васильевна ЕЛИЗАРОВА салайыылаах 6 «В» кылаас уөрэнээччилэрин кыттыыта. Ити кылааска Тарабукиннар орто уоллара Айтал үөрэнэр. Бу курдук тэрээһин, истиҥ сыһыан, бастакынан утары илии уунуу, биһиги оҕолорбутугар, инники кэнчээри ыччаттарбытыгар сөптөөх холобур буоллун диэн эрэнэбит. Кэнсиэргэ бу оҕолор дьэрэкээн, мааны сахалыы таҥастаах «Үчүгэйиэн алааспар», уолаттар бэйэлэрэ эрэ «Өрөгөй ырыата» үрдүк көтөҕүллээхтик ыллаан дьиэрэттилэр. Гимназия учууталларыгар, оҕолорго улахан махталын Саргылана ийэтэ Агафья Тимофеевна ТОСКИНА долгуйан туран үрдүк сценаттан биллэрдэ, оҕолорго кэһии туттарда. Саргылана бу кэнсиэргэ монгол норуотун «Узымчин» үҥкүүтүн үөрэтэн, аркыастыр доҕуһуолунан аан бастаан толордо, дэлби долгуйда. Үҥкүүтэ бэйэтигэр барсар, наһаа намчытык, килбик бэйэтэ имигэстик хамсанна. Саалаҕа олорор доҕотторо, аймахтара Саргылана кэрэ хамсаныытын дуоһуйа көрдүлэр.

Андрей бэйэтэ Джо Дассен репертуарыттан «Если бы не было тебя» ырыаны иэйэн толордо. Кини ырыатын үҥкүүһүттэр Максим СТЕПАНОВ, Валентина АММОСОВА, Василий ЭВЕРСТОВ аныгылыы хамсаныынан күүһүрдэн биэрдилэр. Саргылаанатынаан «Хаалларыма» ырыаны толордулар, Саргылана чэпчэки аныгылыы хамсаныылаах долгуйбут үҥкүүтэ Андрей лирическай ырыатын киэргэтэн, тупсаран, байытан биэрдэ. «Айар Кут» этно-бөлөх хомусчуттара, Аан дойду уонна Россия куонкурустарын лауреаттра Артур СЕМЕНОВ, Василена ШАРИНА, Георгий СЛЕПЦОВ-Чаҕылхан хомуска сыыйа тардыылара кэрэхсэбили ылыан-ылла.

Ким доҕордоох, ол дьоллоох дьэ бу кырдьык бэртээхэй тыллар. Андрейы кытары бииргэ үөрэммит, үлэлээбит доҕотторо, биир идэлээхтэрэ эстрада чаҕылхай сулуһа Байбал СЕМЕНОВ, опера уонна балет солистара Александр УШНИЦКАЙ, Эдуард БАЛАНОВ бу киэһээ аһыллан, иэйэн-туойан ыллаатылар, күүс – көмө, эрэл кыымын, сааскы сылаас сыһыаны бэлэх ууннулар. Үҥкүүһүттэр Лариса ЕГОРОВА уонна Семен ДЬЯКОНОВ «Северные картинки» көрдөөх, хотугу омук үҥкүүтүн бэрт сэргэхтик толордулар. Көрөөччүлэр ытыстарын үөрүүнэн таһыннылар. Кэнсиэр түмүгэр «Туймаада» ансаамбыл «Сааскы сарсыарда», «Дьокуускай куоратым» ырыалары аркыастыр доҕуһуолунан аныгылыы, доргуччу ыллаатылар, көрөөччүлэр дэлби астынан, махтанан тохтобула суох таһыннылар. Үҥкүүһүттэр «Узоры Дружбы» сюитанан өйөбүл кэнсиэри түмүктээтилэр. Аан дойду араас омуктара бииргэ мустан бэйэлэрин үҥкүүлэринэн хамсанан доҕордоһуу ыһыаҕар өрөгөй үҥкүүтүн-битиитин бэлэх ууннулар. «Үтүө санаа кыната» диэн аһымал кэнсиэр итинник түмүктэннэ.

Андрей, Саргылана Тарабукиннар кэнсиэри иилээн саҕалаан ыыппыт, кыттыбыт, кэнсиэри көрө кэлбит дьоҥҥо махталлара муҥура суох. «Махтал эһиэхэ, ыраас дууһалаах, үтүө санаалаах көрөөччүлэрбитигэр, кэнсиэргэ кыттыыны ылбыт доҕотторбутугар, биир идэлээхтэрбитигэр, күүс-көмө өйөбүл буолбуккутугар! Куруутун бу курдук, сахабыт дьоно, бэйэ бэйэбитин өйөһөр — өйдөһөр буолуохха!».

Баҕарыахайын Саргылана уонна Андрей Тарабукиннар дьиэ кэргэттэригэр туохтан да толлубакка инники диэки хардыылаан, самныбыт санаалаах, тулхадыйбат тутуллаах, тобуллаҕас толкуйдаах дьон киэнэ чулуута буоларгытыгар.

Источник: Вера Черноградская, Үҥкүү тыйаатырын Пресс-Киинэ

Последние новости Республики Саха (Якутии) по теме:
Дьокуускайга аhымал кэнсиэр буолла

Дьокуускайга - култуура үлэһиттэригэр анаммыт аһымал кэнсиэр - Министерство культуры
Дьокуускайга - култуура үлэһиттэригэр анаммыт аһымал кэнсиэр - Якутск
        Бэһэҕээ, муус устар 19 күнүгэр «Үтүө санаа кыната» диэн Саха Өрөспүүбүлүкэтин туйгуннара  Сергей Зверев – Кыыл Уола аатынан Саха Үҥкүүтүн тыйаатырын артыыската Саргылана уонна «Туймаада» Государственнай ырыа анса
18:13 21.04.2017 Министерство культуры
Дьокуускайга аhымал кэнсиэр буолла - ИА SakhaLife.Ru
Дьокуускайга аhымал кэнсиэр буолла - Якутск
Бэһэҕээ, муус устар 19 күнүгэр «Үтүө санаа кыната» диэн Саха Өрөспүүбүлүкэтин туйгуннара Сергей Зверев – Кыыл Уола аатынан Саха Үҥкүүтүн тыйаатырын артыыската Саргылана уонна «Туймаада» Государственнай ырыа ансаамбыл тут
19:25 20.04.2017 ИА SakhaLife.Ru
В дежурную часть ОМВД России по Мирнинскому району за помощью обратилась 83-летняя пенсионерка.
26.05.2017 МВД Республики Саха (Якутия)
Главу Нюрбинского улуса выпустят из СИЗО - ИА SakhaLife.RuСегодня, 26 мая, Верховный суд Якутии изменил меру пресечения главе Нюрбинского района Борису ПОПОВУ, сообщает Блокнот Якутск.
26.05.2017 ИА SakhaLife.Ru
horoshhnnn2 - Якутское-Cаха ИАГлава республики Егор Борисов назначил Чокуура Гаврильева заместителем министра связи и информационных технологий Якутии.
26.05.2017 Якутское-Cаха ИА
Сахамин Афанасьев принимает участие в VIII Невском конгрессе - Министерство охраны природы РС(Я)25-26 мая министр охраны природы РС(Я) Сахамин Афанасьев принимает участие в работе VIII Невского международного экологического конгресса «Экологическое просвещение – чистая страна»,
26.05.2017 Министерство охраны природы РС(Я)
20170525_155855.jpg - Администрация г.Якутск  В рамках благотворительной акции «Эстафета добра» направления «Якутск–город возможностей» Года добра,
26.05.2017 Администрация г.Якутск
После проверки прокуратуры более 240 многодетных семей получили земельные участки в Якутии - YakutiaMedia.RuЗемельное законодательство нарушали в Чурапчинском районе 26 мая, YakutiaMedia.
26.05.2017 YakutiaMedia.Ru
Пенсионеры Якутии смогут увидеть видео-трансляцию финала Всероссийского чемпионата по компьютерному многоборью - Пенсионный фондОтделение ПФР по Республике Саха (Якутия) сообщает, что 26 мая 2017 года,
26.05.2017 Пенсионный фонд
В дежурную часть ОМВД России по Мирнинскому району за помощью обратилась 83-летняя пенсионерка.
26.05.2017 МВД Республики Саха (Якутия)
Главу Нюрбинского улуса выпустят из СИЗО - ИА SakhaLife.RuСегодня, 26 мая, Верховный суд Якутии изменил меру пресечения главе Нюрбинского района Борису ПОПОВУ, сообщает Блокнот Якутск.
26.05.2017 ИА SakhaLife.Ru
horoshhnnn2 - Якутское-Cаха ИАГлава республики Егор Борисов назначил Чокуура Гаврильева заместителем министра связи и информационных технологий Якутии.
26.05.2017 Якутское-Cаха ИА
Сахамин Афанасьев принимает участие в VIII Невском конгрессе - Министерство охраны природы РС(Я)25-26 мая министр охраны природы РС(Я) Сахамин Афанасьев принимает участие в работе VIII Невского международного экологического конгресса «Экологическое просвещение – чистая страна»,
26.05.2017 Министерство охраны природы РС(Я)
20170525_155855.jpg - Администрация г.Якутск  В рамках благотворительной акции «Эстафета добра» направления «Якутск–город возможностей» Года добра,
26.05.2017 Администрация г.Якутск