Александр Уаров Сунтаар улууһугар сырытта

Фото: iltumen.ru
Ил Түмэн Хонтуруоллуур кэмитиэтин бэрэссэдээтэлэ Александр Уаров кулун тутар 18-19 күннэригэр Сунтаар улууһугар командировкаҕа баран кэллэ. Бу туһунан кини маннык кэпсээтэ:    «Сырыым сыала-соруга икки түһүмэхтэн турара. Ол курдук, бастакытынан, Саха Өрөспүүбүлүкэтин Инвестиционнай сайдыыга уонна урбааҥҥа миниистирин Антон Сафоновы Сунтаар дьонун-сэргэтин кытта көрсүһүннэрии. Иккиһинэн, Н.Н. Тарскай аатынан өрөспүүбүлүкэтээҕи таһымнаах көҥүл тустуу күрэхтэһиитигэр сылдьыы.   Миниистир Антон Александрович тас дойдуга – Сингапурга уонна АХШ-га уонча сыл кэриҥэ олорбут буолан, ураты толкуйдаах аныгы кэм ыччата диэн сыаналаатым. Сунтаар улууһун бөдөҥ урбаанньыттарын кытта анаан-минээн көрүһүннэрдим, улуус улахан тэрилтэлэрин эбийиэктэригэр - Бүлүү эҥэр киэҥник биллэр «Татыйыына» фирмаҕа, «Тещин язык» спортивнай туристическай кииҥҥэ, «Крона» маҕаһыыннарыгар  сырыттыбыт. Бу үс тэрилтэ бюджет дотационнай чааһыттан ураты оройуон бюджетын дохуотугар 30%-нын киллэрэр. Холобур, «Татыйыына» фирма килиэби, бурдук аһы оҥоруунан дьарыктанар, Сунтаарга, Ньурбаҕа, Мииринэйгэ 30-ча маҕаһыыннаах, 20-чэ бэкээринэлээх уонна тутуу матырыйаалларын Москваттан аҕалтаран атыылыыр биир бөдөҥ тэрилтэ.  Миниистир кыахтаах улахан фирматтан сөҕүөн сөхтө.   «Тещин язык» спортивнай туристическай кииҥҥэ олох эрдэттэн суруйтаран, Бүлүү эҥэртэн барытыттан кэлэн дьиэ кэргэнинээн, хампаанньанан хайдах сынньанан баралларын Антон Александрович көрдө-иһиттэ. Комплекс дьыл кэминэн арахсан, барыта үс бырагырааманан үлэлиир: ресторан, сауна, кыыллардаах паарка, сырылыыр, хатыыскалыыр сирдэр уо.д.а. киһи сынньанар усулуобуйатын бэртээхэйдик тэрийбиттэр.   Өрөбүл күн барыта 52 урбаанньыты мунньан, икки чаас устата бу хайысха сайдар кэскилин туһунан кэпсэттибит. Манна улуус салалтата эмиэ кытыыны ылла.   Көрсүһүү саҕаланыытыгар миниистир тас дойдуга үлэлээбит баай уопутун үллэһиннэ, министиэристибэ инники соруктарын билиһиннэрдэ, урбааҥҥа сыһыаннаах туох уларыйыы-тэлэрийии тахсыаҕын, тугун-ханныгын быһаарда, үгүс ыйытыыларга эппиэттээтэ. Кини лоп-бааччы саҥатын дьон олус сэргии иһиттэ. Билиҥҥи балаһыанньаны чопчу билэриттэн, санаата-оноото аныгы кэм ирдэбилигэр толору сөп түбэһэриттэн сөхтүлэр. Инньэ гынан, миниистири кытта биир тылы булан, үлэлэһиэххэ сөп эбит диэн сыанабыл биэрдилэр. Ыам ыйыгар Антон Александрович Сунтаар улуһугар өссө барыах буолла.     Кини эппитинэн, Саха сирин сорох улуустарын урбаанньыттарын кытта көрүстэххэ, «бачча үп тиийбэт, итиччэ харчы суох» диэн буолар, көмө, идея көрдүүллэр, оттон сунтаардартан биир да урбаанньыт ити туһунан саҥарбата, санаан да ылбата диэтэ. Ол оннугар нолуокка чэпчэтии, сокуоннары уларытыы, балаһыанньалары тупсарыы тула кэпсэтии тахсыбытын эттэ. Булугас-талыгас, сытыы өйдөөх, кыахтаах урбаанньыттар эбит диэтэ. Инньэ гынан, улуус экономикатыгар улахан кылааты киллэрэ олороллорун тоһоҕолоон бэлиэтээтэ. Кырдьыга да, итинник дохуоту биэрэр улуус суох. Төһө да ыраах олорбуттарын иһин, Сунтаар урбаанньыттара олох тэтимиттэн хаалсыбакка, туораттан көмө күүппэккэ, иннин хоту түһүнэ турбуттарын, билиҥҥитэ Бүлүү эҥэр ырыынагы баһылаан олороллорун туһунан сөхпүтүн Антон Александрович эппитэ. Маны таһынан, миниистир улуус суолун-ииһин, дьиэлэр толору хааччыллыларын көрөн астынна. «Тыа сирэ маннык дьаһанан олоруохтаах», --   диэн санаатын эттэ.   Сырыым иккис соругунан көҥүл тустууга Н.Н. Тарскай аатынан өрөспүүбүлүкэ чемпионатыгар сылдьыы. Өрөспүүбүлүкэ чемпионата   Сунтаарга 60 сыл буолан баран, быйыл саҥа ыытылынна. Манна Тустуу федерациятын саҥа президенэ Семен Березин урукку Россия чөмпүйүөннэрин, бэтэрээннэри, Сунтаарга аҕалан, күрэхтэһиигэ сырытыннарда. Ол иһигэр Россия чөмпүйүөннэрэ Альберт Захаров, Петр Попов, Владимир Данилов, Николай Яковлев, Олимпиада үрүҥ көмүс призерэ Александр Иванов , итиэннэ 89 саастаах, мин учууталым, тириэнньэрим, дириэктэрим, Ленинград куорат гимнастикаҕа уонна көҥүл тустууга чөмпүйүөнэ, Николай Тарскай чугас доҕоро, үөлээннээҕэ Семен Зедгенидзев курдук аатырбыт спортсменнар, бочуоттаах бэтэрээннэр бааллара.   Манна Сунтаар хамаандата бастаата, иккис миэстэҕэ Чурапчы улууһун хамаандата таҕыста, үһүс – М.К. Аммосов аатынан ХИФУ хамаандата. Сунтаар сириттэн   улахан тустууктар, Сэбиэскэй Союзка, Россияҕа биллэр дьиҥнээх маастардар тахсыбыттара, онон эдэр көлүөнэ ону салгыыһы диэн эрэх-турах сананныбыт. Күрэхтэһиини 700-800 кэриҥэ киһи кэлэн көрдө, нэһилиэктэртэн, ыаллыы улуустартан дьон бөҕө тоҕуоруста, дьиҥнээх тустуу бырааһынньыга буолла. Бу курдук, Тустуу федерациятын президенэ Семен Березин үлэтин олус бэртээхэйдик саҕалаата диэн дьон-сэргэ сыаналаата. Итинник кырдьаҕас көлүөнэ спортсменнарын ытыктаан, ыччакка холобур быһыытынан илдьэ сылдьар суолтата улахан. Бу үгэс бары улууска тарҕанара буоллар бэрт буолуо этэ.     Маны таһынан, Сунтаарга сырыыбар Бордоҥ нэһилиэгэр актыыбы кытта көрүстүм, итиэннэ биэс-алта кыһалҕалаах дьону кытта кэпсэттим. Икки күн олус таһаарыылаахтык, көдьүүстээхтик ааста.   Бу нэдиэлэҕэ Сиэйэ нэһилиэгин орто оскуолата 125 сыллаах үбүлүөйүгэр сылдьыахтаахпын, ол кэннэ улуус киинигэр оскуола дириэктэрдэрин кытта көрсөн кэпсэтиэхтээхпин. Оттон өрөбүллэргэ оҕолорго мин бэйэм бирииспэр өрөспүүбүлүкэтээҕи көҥүл тустуу күрэҕин ыытыахтаахпын. Онон сыралаах үлэм үтүө түмүктээх буоллар ханнык».     Ил Түмэн пресс-сулууспата         

Последние новости Республики Саха (Якутии) по теме:
Александр Уаров Сунтаар улууһугар сырытта

- Якутск
Ил Түмэн Хонтуруоллуур кэмитиэтин бэрэссэдээтэлэ Александр Уаров кулун тутар 18-19 күннэригэр Сунтаар улууһугар командировкаҕа сырытта.
19:06 21.03.2017 Якутское-Cаха ИА
Александр Уаров Сунтаар улууһугар сырытта - Государственное Собрание РС(Я)
Александр Уаров Сунтаар улууһугар сырытта - Якутск
Ил Түмэн Хонтуруоллуур кэмитиэтин бэрэссэдээтэлэ Александр Уаров кулун тутар 18-19 күннэригэр Сунтаар улууһугар командировкаҕа баран кэллэ.
18:08 21.03.2017 Государственное Собрание РС(Я)
 
По теме
Александр Корякин провел заседание постоянного комитета - Государственное Собрание РС(Я) Ряд принципиально важных для социальной сферы региона законопроектов были рассмотрены на заседании постоянного комитета Ил Тумэн по здравоохранению, социальной защите, труду и занятости,
21.05.2018
Image title - Администрация Правительства и Президента РС(Я) 21 МАЯ, накануне 36-го (внеочередного) пленарного заседания Госсобрания (Ил Тумэн), Егор Борисов провел традиционную встречу с активом парламента республики.
21.05.2018
Уполномоченные по правам ребенка готовят дополнения в проект закона о статусе многодетных семей - Государственное Собрание РС(Я) Председатель Комитета СФ по Регламенту и организации парламентской деятельности Андрей Кутепов провел встречу с многодетными родителями.
21.05.2018
 
В Якутск прибыл заместитель директора ФГБУ «Россельхозцентр» Минсельхоза России Дмитрий Говоров - Администрация Правительства и Президента РС(Я) В связи с введением на территории Республики Саха (Якутия) режима «ЧРЕЗВЫЧАЙНАЯ СИТУАЦИЯ» федерального уровня, 21 мая в Якутск прибыл заместитель директора ФГБУ «Россельхозцентр» Минсельхоза РФ Дмитрий Говоров.
21.05.2018
 
Алексей Еремеев провел заседание постоянного комитета по государственному строительству и законодательству - Государственное Собрание РС(Я) 21 мая 2018 года в парламенте республики состоялось заседание постоянного комитета Государственного Собрания (Ил Тумэн) Республики Саха (Якутия) по государственному строительству и законодательству под руководством предс
21.05.2018
Твое лучшее лето здесь! Состоится форум вожатых ЯРО Российского движения школьников - Министерство по делам молодежи ГБУ РС(Я) ДО «Республиканский центр развития детского движения» при Минобрнауки Якутии при поддержке Управления образования г.Якутска с 11 по 15 июня 2018 г.
19.05.2018 Министерство по делам молодежи
Прокуратура Республики Саха (Якутия) провела проверку соблюдения законодательства о закупках для государственных и муниципальных нужд.
21.05.2018 Прокуратура РС(Я)
На реке Лена подтоплен еще один населенный пункт, в Усть-Алданском районе н.п. Дыгдал освободился от воды - МЧС Республики Саха (Якутия) В результате продвижения ледохода по территории Кобяйского района наблюдается повышение уровней воды на реке Лена, в связи с чем произошло подтопление н.п.
20.05.2018 МЧС Республики Саха (Якутия)
Обвиняемому в получении взятки депутату Ил Тумэна разрешили прогулки - ИА SakhaLife.Ru Сегодня утром корреспондент ЯСИА запечатлел, как народный депутат Александр Уаров, находящийся под домашним арестом, в сопровождении судебного пристава приехал к зданию Верховного суда.
21.05.2018 ИА SakhaLife.Ru
Жорес Алферов: в Якутии очень талантливые дети - Администрация Правительства и Президента РС(Я) 8-15 июля 2018 года в столице Якутии состоятся первые Международные интеллектуальные игры (МИИ), которые соберут юные таланты со всего мира.
21.05.2018 Администрация Правительства и Президента РС(Я)
kanat15 - Федерация профсоюзов РС (Я) 25 мая в рамках Единого дня выполнения нормативов комплекса «ГТО» на стадионе «Туймаада» состоятся соревнования по перетягиванию каната на Кубок Федерации профсоюзов РС(Я).
21.05.2018 Федерация профсоюзов РС (Я)
gto1 - Федерация профсоюзов РС (Я) С 25 по 27 мая в Якутске на стадионе «Туймаада» состоятся дни выполнения нормативов Всероссийского физкультурно-спортивного комплекса «Готов к труду и обороне» среди участников с VI по XI ступени «Мир-Май-ГТО».
21.05.2018 Федерация профсоюзов РС (Я)
Вниманию жителей Промышленного округа: Ожидается подъем воды! - Администрация г.Якутск По сообщению Федеральной службы по гидрометеорологии и мониторингу окружающей среды, по состоянию на 10 часов утра, у посёлка Табага началось понижение уровня воды из-за разрушения перемычки ниже поста.
20.05.2018 Администрация г.Якутск
21 МАЯ Глава РС(Я) Егор Борисов провел совещание по вопросам подготовки к отопительному сезону 2018-2019 года с участием заместителя министра энергетики России Кирилла Молодцова.
22.05.2018 Президент РС(Я) Егор Борисов
Предварительные итоги прохождения отопительного сезона 2017/2018 гг. рассмотрели на встрече Главы Республики Саха (Якутия) Егора Борисова с заместителем министра энергетики Российской Федерации Кириллом Молодцовым.
21.05.2018 Министерство ЖКХ и энергетики РС(Я)
Аварийные бригады Усть-Майского филиала АО «Теплоэнергосервис» (дочернее предприятие ПАО «Якутскэнерго») восстановили тепловодоснабжение потребителей Усть-Майского района Якутии.
21.05.2018 ИА SakhaLife.Ru