Афанасий Илларионовка анаммыт «Күн сирин үтүө киһи киэргэтэр» кинигэ сүрэхтэниитигэр ыҥырабыт

Афанасий Илларионовка анаммыт «Күн сирин үтүө киһи киэргэтэр» кинигэ сүрэхтэниитигэр ыҥырабыт
Фото: iltumen.ru
Сарсын, кулун тутар 19 күнүгэр, 16 чаастан Дьокуускай куоракка Национальнай библиотека историческай саалатыгар  XX үйэ 90-с сылларыгар Саха сирин инники дьылҕатын түстэспит, судаарыстыбаннай, политическай деятель, Саха Өрөспүүбүлүкэтин үтүөлээх юриһа, Ил Түмэн Бэрэстэбиитэллээх Палаататын бастакы Бэрэссэдээтэлэ, поэт, тылбаасчыт Афанасий Петрович Илларионовка анаммыт «Күн сирин үтүө киһи киэргэтэр» кинигэ сүрэхтэниитэ буолар.   Үтүө киһи туһунан өйдөбүлү уһатар, дьоҥҥо-сэргэҕэ тириэрдэр – кэм ирдэбилэ. «Күн сирин үтүө киһи киэргэтэр» диэн кэргэнэ Венера Егоровна Илларионова , балта Клара Максимовна Тарабукина хомуйан оҥорбут кинигэлэрэ былырыын Афанасий Петрович  төрөөбүтэ 75 сылыгар бэчээттэнэн тахсыбыта. Кинигэҕэ аймах дьонун, үөлээннээхтэрин ахтыылара, бэчээккэ тахсыбатах хоһоонноро, доҕотторугар, аймахтарыгар анаабыт эҕэрдэлэрэ, үлэтин, олоҕун кэпсиир библиографическай ыйынньыктара таҥыллан киирдилэр.   Афанасий Петрович Илларионов бу орто дойдуга 55 сыл олорон элбэҕи ситиспитэ, үгүс үтүө дьыалалары оҥорбута, айбыта-туппута, олоҕун үлэнэн киэргэппитэ. 1993 сыллаахха Саха Өрөспүүбүлүкэтин бастакы ыҥырыылаах Судаарыстыбаннай Мунньаҕар Бэрэстэбиитэллэр Палааталарын Бэрэссэдээтэлэ буолбута. Россия дьиҥ-бааччы федеративнай сыһыаннары сайыннарыы суолун тутуһарыгар дьулуһара. 1990 сылтан саҕалаан 1997 сылга диэри Саха сирэ Россияны кытта сыһыаннаһыыларын сүрүн политическай-правовой боппуруостарыгар Афанасий Илларионов кыттыспатаҕа диэн суоҕа. Судаарыстыбаннай, политическай тутулга, ордук чуолаан Федерация ис тутулугар, федеративнай сыһыаннары олохтооһуҥҥа чочуллубут көрүүлэрдээх политик этэ.   Афанасий Петрович Саха Өрөспүүбүлүкэтин судаарыстыбаннай суверенитетын туһунан Декларация барылын, Саха Өрөспүүбүлүкэтин 1992 сыллаахха ылыллыбыт Конституциятын (Төрүт Сокуонун) оҥорсубута, Сойуустааҕы уонна Федеративнай Дуогабардар барылларын оҥорууга быһаччы үлэлэспитэ. Бу докумуоннар үгүс сүрүн балаһыанньалара Афанасий Петрович хайдах суруйбутунан киирэ сылдьаллар. Ил Түмэҥҥэ үлэлиир кэмигэр өрөспүүбүлүкэҕэ парламентаризм сайдыытыгар, өрөспүүбүлүкэҕэ судаарыстыбаннай былаас cаҥa правовой базата олохсуйарыгар күүскэ үлэлэспитэ. Ол кэмҥэ тахсыбыт сокуоннар оҥоһуллууларын бэйэтэ быһаччы иилээн-саҕалаан салайбыта.   Ил Түмэн пресс-сулууспата

Ещё новости о событии:

Сарсын, кулун тутар 20 күнүгэр, 16 чаастан Дьокуускай куоракка Национальнай библиотека историческай саалатыгар XX үйэ 90-с сылларыгар Саха сирин инники дьылҕатын түстэспит, судаарыстыбаннай, политическай деятель,
17:53 19.03.2018 ИА SakhaLife.Ru - Якутск
Афанасий Илларионовка анаммыт «Күн сирин үтүө киһи киэргэтэр» кинигэ сүрэхтэниитигэр ыҥырабыт - Государственное Собрание РС(Я)
Сарсын, кулун тутар 19 күнүгэр, 16 чаастан Дьокуускай куоракка Национальнай библиотека историческай саалатыгар XX үйэ 90-с сылларыгар Саха сирин инники дьылҕатын түстэспит, судаарыстыбаннай, политическай деятель,
12:55 19.03.2018 Государственное Собрание РС(Я) - Якутск
 
По теме
Незаконная добыча диопсида велась на протяжении 6 лет в Алданском районе - Якутия.Инфо Текст: Прокуратура Якутии Фото: pro-mineral.ru YAKUTIA.INFO. Прокуратура республики направила в суд уголовное дело о незаконном предпринимательстве с извлечением дохода в размере более 52 миллионов рублей.
Якутия.Инфо
В Якутии стали известны  10 лучших архивов республики - Правительство Республики Саха (Якутия) Муниципальные архивы  Аллаиховского, Мирнинского, Намского, Нерюнгринского, Нюрбинского, Сунтарского, Таттинского, Усть-Алданского, Чурапчинского районов и города Якутска признаны лучшими в регионе.
Правительство Республики Саха (Якутия)
Дети из Якутии прибыли в Москву для личностного и профессионального самоопределения - Постоянное представительство РС(Я) при Президенте РФ 25 марта в гостях у Постоянного представительства Республики Саха (Якутия) при Президенте Российской Федерации побывала большая делегация детей из республики,
Постоянное представительство РС(Я) при Президенте РФ
Спасатели выехали на участки возможного схода снежных лавин - ИА SakhaLife.Ru Спасатели аэромобильного поисково-спасательного подразделения Службы спасения республики 28 марта выехали из Якутска в Томпонский район для обеспечения безопасности на участках возможного схода снежных масс.
ИА SakhaLife.Ru
4.jpg - Мирнинский район В 2023 году на территории Якутия зарегистрировано 123 дорожно-транспортных происшествия с участием несовершеннолетних, в результате которых 1 ребенок погиб, 139 детей получили травмы.
Мирнинский район
В медицинскую часть исправительной колонии № 1 поступило новое медицинское оборудование - УФСИН России по Республике Саха (Якутия) В рамках модернизации филиалов медико-санитарной части № 14 ФСИН России, расположенных в исправительных учреждениях УФСИН России по Республике Саха (Якутия),
УФСИН России по Республике Саха (Якутия)